1 Samweli 16:1 - KITABU KITAKATIFU

¹ Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 16:1 ပူးပေါင်းရင်းမြစ်များ

1 Avami 8:16

Kutwula lidiku yilyo lya nda twulidza avandu vange Israeli mu kivala kya Egepeti, si nda tovola lidala mu tsihiri tsyosi tsya Israeli nyombake mu inyumba, lieta lyange li ve ho; navutswa nda tovola Daudi a ve igulu wa vandu vange Israeli.

2 Avami 9:1

Na Elisha muprofeti ya langa mulala ku avana vavaprofeti, na ya mu volera, Boha kikenge kikyo, u vugule kiseve kyamaguta mmukono gugwo, u tsie Ramothu-gileadi.

2 Avami 9:3

Ma u vugule kiseve kyamaguta, na u mu tsukire ku mutwe gwigwe, u vole, Yahova a vola, mbaki ive amaguta u ve mwami ku Israeli. Kunangwa u ligula muliango, nokwiruka, u ta lindagira mba.

2 Avami 9:6

Na ya singira ni yingira mu inyumba: na a mu tsukira maguta ku mutwe gwigwe, nokumuvolera, Yahova, Nyasaye wa Israeli a volanga, Mbaki ive amaguta u ve umwami ku avandu va Yahova, kali ku Israeli.

1 Kyetsinyinga 11:3

Kunangwa avakulundu vosi va Israeli va tsia ku mwami wa li Hebironi; na Daudiya lomba lilagana halala navo imbiri wa Yahova ha Hebironi; navo va vaka Daudi ma guta nokumukola a ve mwami ku Israeli, kuli likuva lya Yahova lya ya vola nomunwa gwa Samweli.

1 Kyetsinyinga 28:4

Navutswa Yahova, Nyasaye wa Israeli, ya ntovola ku inyumba yosi ya dada wange nduke kuva mwami ku Israeli mihiga nemihiga: kigira ya tovola Yuda kuva mwimiriri; nomu inyumba ya Yuda ya tovola inyumba ya dada wange; nomu avana va dada wange ya yanza inze a duke kunyamehidza mbe umwami ku Isra eli vosi;

Isaya 11:1

Na ki la sibuka kisibu ku kitinya kya Jesse, no lusya lu twula ku imiri gyakyo lu laama makuyu.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Jeremia 11:14

Kigira yaga u ta saalira avandu yava mba, kandi u ta ginga lilira kinga lisaala kigira yavo mba; kigira inze si nda va hulira inyinga vanira ku inze kigira kivi kyavo.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Jeremia 6:30

Avandu va la va langa amandu gefetha, kigira Yahova u va suye.

Jeremia 7:16

Kunangwa u ta saalira avandu yava mba, kandi u ta va gingira lilira kinga lisaala, kandi u ta va saalira ku inze; kigira si nda ku hulira mba.

Zekaria 4:14

Ma ya mbolera, Yava va veye vaviri avavakwa a maguta, avasingira ahimbi na Yahova welirova lyosi.

Varumi 15:12

Kandi Isaya a vola Ki la vaho kitinya kya Jesse Kandi uyu a singira kwameha ku Tsihiri; Ave Tsihiri va la suuvira ku uyu.

Vahebraina 11:32

Kandi inze nda vola ki agandi? Kigira tsinyinga si tsi la duka ni mbola amakuva ga Gideoni, naga Baraka, naga Samsoni, naga Jefetha; naga Daudi, naga Samweli, naga vaprofeti:

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

1 Samweli 10:1

Hene yaho Samweli ya vugula kachupa kamaguta, na ya ga tsuka ku mutwe gwigwe, na ya mu busa, na a mu volera, Si ga veye kigira Yahova u ku vaki maguta u duke kuva munene ku miyandu gyigye?

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 15:26

Na Samweli ya volera Saulo, Inze si ndirana halala nive; kigira u suye likuva lya Yahova, na Yahova u suye ive u vule kuva mwami ku Israeli.

1 Samweli 15:35

Na Samweli si ya tsia kandi kulolana na Saulo kuduka ku lidiku lyelikudza lilye; kigira Samweli ya syomera Saulo: na Yahova yeganira kigira yamehidza Saulo a veye mwami wa Israeli.

1 Samweli 16:15

Na vatumekiri va Saulo va mu volera, Henza kalunu, roho mudamano gutwula ku Nyasaye gu ku dambidzanga.

1 Samweli 16:23

Na ga duka, roho mzldamano gwa twula ku Nyasaye, lwa gwa li ku Saulo, Daudi ya vugula ubukana, na a bu kupa nomukono gwigwe: ma Saulo ya lola bulahi, na a sosa, nomwoyo mudamano gwa twula kuye.

1 Samweli 17:12

Kunangwa Daudi ya li mwana wa Muefarathi wa Beth-lehemuyuda, lieta lilye lya li Jesse; naye ya li navana vatano na vavaka avayai: na uyu ya li musakulu mu madiku ga Saulo, u emihiga minyingi mu avandu.

1 Samweli 9:16

Mugamba inyinga kuli yiyi nda leta ku ive umundu u twula mkivala kya Benjamini, na u mbake maguta a ve umunene ku avandu vange Israeli; naye a la honnya avandu vange ku makono ga Vafilisiti: kigira mbenzi avandu vange, kigira lilira lyavo li duki ha mbeye.