1 Samweli 15:24 - KITABU KITAKATIFU

²⁴ Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 15:24 ပူးပေါင်းရင်းမြစ်များ

Litanga 3:12

Adamu ya vola, Mukali wa ive wa mpa kuva halala ninze, ya mpa agomusala ma nda lia.

Litanga 3:17

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi;

2 Samweli 12:13

Na Daudi ya volera Nathan, Nkoleye Yahova ubwoni. Na Nathan ya volera Daudi, Yahova u twulidzi ubwoni bubwo; u la vula kukudza.

Ayubu 31:34

Kigira nda tia kiduma kinene, Na lilegwa lyobwiko lya ntihidza, Kuduka nda kiring'ana, na si nda Iwula mu kiliango.

Zaburi 51:4

Ku ive, ive weng'ine, nkoli ubwoni, Nokukola ubudamano yibu imbiri wowo; Ive u veye nobulungi mu livola lilyo, Nokuva mutakatifu mu likalaga lilyo.

Kutwula 10:16

Hene yaho Farao ya langa Musa na Haruni bwangu; na ya va volera, Nkoleye Yahova Nyasaye wenyu ubwoni, noku mwinye.

Kutwula 23:2

U ta londa kiduma kukola ubwoni: kandi u ta kola lilolekidza lilyo mu likuva kugirunkana nokulonda kiduma kukyaminya likalaga:

Kutwula 9:27

Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Jeremia 38:5

Na mwami Zedekia ya va volera, Henza, a veye mmakono genyu; kigira mwami si a veye uyu u nyala kukola likuva kali lilala ku mwinye.

Livalidza 22:34

Na Balaam ya volera ingelosi wa Yahova, Inze nkoli ubwoni; kigira si mmanyi ive u singiye ku inzira kuhing'ana ninze: kunangwa kalunu, nu u va nu u ta yanza inze kutsia, ndirana inyima.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

1 Samweli 15:15

Na Saulo ya vola, Yavo va tsi leta kutwula ku Vaamaleki: kigira avandu yavo va tsi leka mwoyo magondi netsing'ombe tsya li tsindahi, va duke kwiitira Yahova Nyasaye wavo isadaka: netsindi kwa tsi dividza ligali.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.

1 Samweli 15:9

Navutswa Saulo navandu va leka Agagi mwoyo, namagondi aga li amalahi, netsindahi ku tsing'ombe, nevilahi ku vinetu, noku vana vamagondi, na vyosi vi veye vilahi, si va bugirira kuvidividza ligali: navutswa ikindu sa kilala ki ta duka, nevidamano, yivi va vyononnya ligali.

1 Samweli 2:29

Kunnngwa kigira ki mu lasanga luvasi ku kihaanwa kyange, nekisyuviriru kyange, vya nda laga mu hokumenya hange, no widzominya avana vovo kuvita inze, nokwekomeridza nevihaanwa vilahi vyavandu vange Israeli?

1 Samweli 26:21

Hene yaho Saulo ya vola, Inze nkoli ubwoni: yirana, Daudi mwana wange; kigira inze si nda ku kolera kindu kidamano kandi mba, kigira livamwoyo lyange lya li nobuguli budinyu imbiri wetsimoni tsitsyo lero: henza, nkoli agobusiru, na nkoli amahyolo ligali.