1 Samweli 15:23 - KITABU KITAKATIFU

²³ Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 15:23 ပူးပေါင်းရင်းမြစ်များ

Litanga 31:19

Inyinga zana, Labani ya li na a tsiye kukalaga ubwoya bwa magondi gege: na Raheli yiba vifwananyi vya dada wewe.

Litanga 31:34

Kunangwa Raheli ya vugula vifwananyi, nokuvivika mu kyokwikala ku ku ing'amia, ni yikala kuvyo. Na Labani ya havatidza mu lihema lyosi, navutswa si ya vi nyola mba.

2 Samweli 12:9

Kigira ki ive u legi likuva lya Yahova, nokukola agobudamano imbiri wewe? Ive u kuye Uria Muhiti nekivavi, na u vuguye mukali wewe kuva mukali wowo, na u mwiiti nekivavi kyavana va Amon

2 Samweli 7:15

navutswa tsimbabasi tsyange si tsi la twula kuye mba, kuli ndi tsi twulidza ku Saulo, wa ndavukannya a twule imbiri wowo.

1 Kyetsinyinga 10:13

Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Ayubu 34:37

Kigira a medanga ubwoni bwibwe nobwebaali; A kupanga makono hagati hetu Nokumeda makuva gege ku Nyasaye.

Zaburi 107:11

Kigira vambakana makuva ga Nyasaye, Na va lega livola lya Weigulu Ligali:

Kutwula 22:18

U ta leka mukali mukumu kuva mwoyo.

Isaya 19:3

Na roho gwa Egepeti gu la kudza hagati hakyo; na ndononnya makuva gakyo: va la tsia ku vifwananyi, noku vasegetiri noku vang'oli, noku va kumu.

Isaya 8:19

Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 28:16

Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.

Jeremia 29:32

kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.

Hosea 13:11

Inze mma li kukuheera mwami mu livihirirwa lyange, na nda mu twulidza mu butima bwange.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Kyavalevi 20:27

Musatsa kandi mukali u veye nomwoyo gwokulagula, kinga u veye muvimbuli, ligali a liitwa: va la va lasa magina; masahi gavo ga la va kuvo avene.

Kyavalevi 20:6

Na mundu u girunkananga kulonda yavo ava veye nemyoyo gyokulagula, noku avavimbuli, kuvalonda mu buheyi, nda henzidza mumoni mwange ku mundu uyu, na nda mu twulidza mu avandu veve.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Vikolwa 13:22

Lwa ya mala kutwulidza uyu, ya singeridza Daudi a ve mwami wavo; wa ya lolekidza na a vola, Nyoye Daudi mwana wa Jesse, a veye mundu ku lugano lwomwoyo gwange, u li kola ubulaliri bwange bwosi.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vagalatia 5:20

nokusigamira misambwa, nobukumu, nobusigu, nelihing'ana, nembodoka, nobutima, namahangali, nokwavukana, nokwekala vidieli,

Kwidzulitsa 9:24

Mwa li nobutingu ku Yahova kutwula lidiku lya nda tanga kumanya mwinye.

Kwidzulitsa 9:7

Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.

Joshua 22:15

Na va duka ku avana va Rubeni, noku avana va Gadi, noku inusu yehiri ya Manase, mu kivala kya Gileadi, na va volerana navo, ni va vola,

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

1 Samweli 13:14

Navutswa kalunu ubwami bubwo si bu la menya mba: Yahova yenyanga mundu wolugano lwamwoyo gwigwe mwene, na Yahova u lagi uyu a ve munene ku avandu veve, kigira ive wa vula kugumira kya Yahova ya ku laga.

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.

1 Samweli 28:3

Samweli ya li ni ya mali kukudza, na Israeli vosi va mu syomera, nokumuta ha Rama, mu lidala lilye mwene. Na Saulo ya li na a mali kutwulidza ava mademoni gelimanya, navasegetiri, va twule mu kivala.