1 Samweli 15:11 - KITABU KITAKATIFU

¹¹ Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.

1 Samweli 15:11 ပူးပေါင်းရင်းမြစ်များ

Litanga 6:6

Na Yahova yeganira ku lilomba mundu ku lirova, na a vereridzwa mmowyo gwigwe.

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

2 Samweli 24:16

Na ingelosi lwa ya nyira mukono gwigwe ku Yerusalemi kulyononya, Yahova yeganira ku budamano vibu, na a volera ingelosi wononya avandu, Ga duki gaya mukono gugwo kalunu. Na ingelosi wa Yahova ya li himbi ku lodze lwa Arauna Mujebusi.

1 Avami 11:9

Na Yahova ya vihirirwa Solomoni, kigira mwoyo gwigwe gwa girunkana kuleka Yahova, Nyasaye wa Israeli, wa loleka kuye hali kaviri,

1 Kyetsinyinga 10:13

Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,

1 Kyetsinyinga 21:15

Na Nyasaye ya tuma ingelosi ku Yeru salemi kulidividza: na lwa yenya kulidividza, Yahova ya lola, na yeganira ku budamano zana, na ya volera ingelosi zana wokudividza, Ga duki; gaya mukono gugwo. Na ingelosi wa Yahova ya li na a singiye ahimbi nolodze lwa Orinan Mujebusi.

Ayubu 34:27

Kigira va tsia haluvega ni va vula kumulonda, Na si va bugirira kugumira tsinzira tsitsye, kali indala kutsyo:

Zaburi 109:4

Ku livayanza lyange va veye avasigu vange: Navutswa inze nzehaana ku lisaala.

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Zaburi 36:3

Makuva gomunwa gwigwe gu veye ubukyamu nobugadi: U leki kuva nobugeeri nokukola ubulahi.

Zaburi 78:41

Na va girunkana ni va geridza Nyasaye, Na vatira Mutakatifu wa Israeli lwako.

Zaburi 78:57

Navutswa virana inyima, ni va kola nobugadi kuli avaguga vavo: Na va kyama kuli ubuta bu ta li nobusoga.

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 32:14

Na Yahova yeganira ubudamano bwa ya vola a la kolera avandu veve.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 34:16

navuswa kandi mwa girunkana nokunyega lieta lyange, nokuleta kandi sa mulala mutugwa muyai wewe, na sa mulala mutugwa mukana wewe, ava mwa li ni mwa leka avaboholole kuli ubuyanzi bwavo avene; na mwa va vika mu butugwa va ve avatugwa vayai na avatugwa vakana.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Jeremia 9:18

navo va kole bwangu, nokutanga lisyomera kwinye, tsimoni tsyetu tsi duke kwidoola amaliga, vigohe vyetu vi senuke amadzi.

Ezekieli 18:24

Navutswa wobulungi lwa a leka ubulungi bwibwe, nokukola ubudamano, nokukola kuli kivihiri kyosi kyomudamano a kolanga, uyu a la hindira? Mu vikolwa vivye vyobulungi vya ya kola vi la vula kwidzulitswa kali kilala kuvyo: mu lihyola lilye lya ya hyola, nomu bwoni bwibwe bwa ya kola, a la kudzira mu.

Amosi 7:3

Yahova yeganira mu inkuva yiyi: la vula kuva, Yahova a vola.

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Matayo 24:13

Navutswa uyu wikudzihidza kuduka ku kiheri, a la honnywa.

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Luka 6:12

Mu madiku yago ya twula na a tsia mu kigulu kusaala; ya hongera kusaala Nyasaye ubudiku bwosi.

Vahebraina 10:38

Navutswa mulungi wange a la va mwoyo kigira lisuuvira: Kandi ni yirana inyima mwoyo gwange si gu la mu yanza.

Joshua 22:16

Livugana lyosi lya Yahova li volanga, Ni lihyolo ki lya mu hyoye ku Nyasaye wa Israeli mu luhe mu girunkani lero nokuleka kulonda Yahova, mu lyeyombakira ubwali, nokutinguha lero ku Yahova?

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.

1 Samweli 13:13

Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.

1 Samweli 15:10

Inyinga yeyo likuva lya Yahova lya duka ku Samweli, li volanga,

1 Samweli 15:3

Kalunu u tsie ku kuya Vaamaleki, nokudividza ligali vyosi vya va veye navyo, mu ta va vererera mba; navutswa wiite musatsa nomukali, mwana na u nunanga, ing'ombe neligondi, ing'amia nesukiri.

1 Samweli 15:35

Na Samweli si ya tsia kandi kulolana na Saulo kuduka ku lidiku lyelikudza lilye; kigira Samweli ya syomera Saulo: na Yahova yeganira kigira yamehidza Saulo a veye mwami wa Israeli.

1 Samweli 15:9

Navutswa Saulo navandu va leka Agagi mwoyo, namagondi aga li amalahi, netsindahi ku tsing'ombe, nevilahi ku vinetu, noku vana vamagondi, na vyosi vi veye vilahi, si va bugirira kuvidividza ligali: navutswa ikindu sa kilala ki ta duka, nevidamano, yivi va vyononnya ligali.

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 8:6

Navutswa likuva yili lya vihiridza Samweli, lwa va vola, U ku he mwami a ku kalagire. Na Samweli ya saala Yahova.