1 Samweli 14:6 - KITABU KITAKATIFU

⁶ Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 14:6 ပူးပေါင်းရင်းမြစ်များ

2 Samweli 1:20

U tilwadza yaga mu Gathu, Mu ta landidza yaga ku mahasi ga Ashikelon; Gase avakana va Vafilisiti va la sangala, Gase avakana va vasinde va la guuta.

2 Samweli 16:12

Namusia Yahova a la henza ubudamano yibu bwa nkola ngwa, namusia Yahova a la ntunga ubulahi kigira linyega lilye lero.

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

2 Kyetsinyinga 14:10

Hene yaho Asa ya tsia kuye, ni va singeridza ubulwani mivona lya Zefatha ha Meresha.

2 Kyetsinyinga 14:11

Na Asa yanira Yahova Nyasaye wewe, na a vola, Yahova, si ha veye nowundi u nyala kukonya navutswa ive, hagati ha uyu u veye wetsingulu, na uyu u ta li wetsingulu: u ku konye, O Yahova Nyasaye wetu; kigira kwese demi ku ive, kandi ku twuliye kiduma yiki nelieta lilyo. O Yahova, ni ive Nyasaye wetu; mundu a ta guuta ive mba.

Zaburi 135:6

Gosi aga Yahova a yanza, yaga a kola, Migulu na mu lirova, na mu tsinyanza na mu luliva lwosi;

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Jeremia 9:25

Henza, madiku gadzanga, Yahova a vola, mu madiku yago nda va ha mageli vosi avakevwa mu livula kukevwa lyavo:

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Livalidza 10:32

Ga la va, nu u va nu u tsia halala na kwinye, yee, ga la va, ku bulahi bwosi bwa Yahova a la ku kolera, na kwinye ku la ku kolera ndiyo.

Livalidza 31:4

Ku ihiri sa indala u la vugula mu elfu, mu tsihiri tsyosi tsya Israeli ava mu la hila mu bulwani.

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Joshua 14:12

Kunangwa kalunu u mbe kivala kyekigulu, kya Yahova ya vola kukyo ku lidiku yilyo; kigira ive wa hulira lidiku yilyo kuli Vaanaki va veyo, na madala manene na getsingaga: namusia Yahova a la va halala na inze, na nda va kunga va twule, kuli Yahova ya vola.

Vakalagi 15:18

Naye ya li nobuluhu ligali, na yanira ku Yahova, na a vola, Ive u ku heye ubuhonywi yibu bunene ku mukono gwomutumekiri wowo; na kalunu nda kudza nobuluhu, nokugwa mmukono gwa yavo ava ta kevwa.

1 Samweli 14:5

Ligina lilala lya singira ku luvega lwa kasikasini kuhenza Mikimashi, nelindi ku luvega lwa kusini kuhenza Geba.

1 Samweli 14:7

Na uyu wa ginga vyuma vivye ya mu volera, Kola gosi ga u lola kuva malahi mu mwoyo gugwo: girunkana, henza, inze mbeye halala nive kuli mwoyo gugwo.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

1 Samweli 17:46

Ku lidiku lya lero yili Yahova uyu a la ku vika mmukono gwange; na nda ku duya, nokutwulidza ku ive mutwe gugwo; na inze lero nda ha manyonyi gombwerefu na tsinyama tsindulu tsyekivala mibiri gyelihe gya Vafilisiti; lirova lyosi li duke kumanya Nyasaye a veye mu Israeli,

1 Samweli 17:47

neviduma yivi vyosi vi duke kumanya Yahova si a honnyanga nekivavi nelitimu: kigira bulwani nobwa Yahova, naye a la mu vika mu makono getu.

1 Samweli 31:4

Hene yaho Saulo ya volera uyu ya ginga vyuma vivye, Somola kivavi kikyo, u ntumite nakyo, gase yava avasindi va la ntumita, nokundegannya. Navutswa mugingi wevyuma vivye si ya bugirira mba; kigira ya tia ligali. Ma Saulo mwene ya gumira kivavi kikye, na a gwa kukyo.