1 Samweli 14:36 - KITABU KITAKATIFU

³⁶ Na Saulo ya vola, Gendi ku sulungute kulonda Vafilisiti inyinga yobudiku, nokuvalanya kuduka mugamba, ku vule kuleka kali mulala a tigale. Navo va vola, Kola aga u lola kuva bulahi. Hene yaho musalisi ya vola, Gendi kwisunde himbi ku Nyasaye.

1 Samweli 14:36 ပူးပေါင်းရင်းမြစ်များ

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Jeremia 6:5

Vuka, kwanegire inyi nga yobudiku, ku dividze tsinyumba tsitsyetsyobwami.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Livalidza 27:21

Naye a la singira imbiri wa Eleazaru musalisi, naye u la mu tevera ku likalagira lya Urim imbiri wa Yahova: ku likuva lilye va la twula, nokwingira, uyu, na avana va Israeli vosi halala naye, kali livugana lyosi.

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.

Joshua 10:19

navutswa mwinye mu ta singira mba; mu londerere avasigu venyu, mu kupe ava veye inyima; mu ta va leka vingire mmadala gavo mba: kigira Yahova Nyasaye wenyu u mali kuvavika mu makono genyu.

Joshua 11:14

Kandi vilanye vyosi vyamadala yago, nemitugu, avana va Israeli va vi vugula kuva lilanya lyavo avene; navutswa va kuya avandu vosi sa mulala nobwogi bwekivayi, kuduka lwa va dividza vosi, si va leka mulala wa herananga.

1 Samweli 1:23

Na Elikana musatsa wewe ya mu volera, U kole kuli u lola kuva bulahi; u menye kuduka lwa u luguhidza; navutswa Yahova a singeridze likuva lilye. Kunangwa mukali ya menya nokunyunya mwana wewe, kuduka lwa ya luguhira.

1 Samweli 11:11

Kunangwa mugamba, Saulo ya gavula avandu viduma vivaka; na vingira hagati hamahema mu bulindi bwomugamba, na va kuya Vaamon kuduka inyinga yombasu gwa lula: na ga duka, yavo va tigala va salanywa, ga luha ga duka vaviri si va tigala halala mba.

1 Samweli 14:3

na Ahija, mwana wa Ahitubu, amwavo Ikabodu, mwana wa Finehasi, mwana wa Eli, wa li musalisi wa Yahova mu Shilo, naye ya li nekisibao. Navandu si va manya Jonathan u tsii.