1 Samweli 14:27 - KITABU KITAKATIFU

²⁷ Navutswa Jonathan si ya hulira lwa dada wewe yeganehidza avandu halala nelisuha: kunangwa ya nyira isonga ye impimbo ya li mmukono gwigwe, na a gi dira mu lisang'asa lyobwuki, na ya vika mukono gwigwe ku munwa; netsimoni tsitsye tsya kunuka.

1 Samweli 14:27 ပူးပေါင်းရင်းမြစ်များ

Tsing'ano 24:13

Mwana wange u lie bwuki, kigira bu veye buiahi; Na masang'usa gobwuki, ga veye manolu kutsatsama:

Tsing'ano 25:26

Kuli kisenukiru kyamadzi ga duvuka, na kuli mugera gwononywa, Ni ndiyo wobulungi a gwidzanga imbiri wavadamano.

1 Samweli 14:28

Hene yaho mundu mulala kuvo ya tivula, na a mu volera, Dada wowo yeganehidza avandu budinyu ligali halala nelisuha, na a vola, A laamwe musatsa u lia kyokulia lero. Avandu yavo va li ni va daki tsingulu.

1 Samweli 14:29

Hene yaho Jonathan ya vola, Dada wange ya dambidza kivala yiki: henzi, mwadza, mu lole kuli tsimoni tsyange tsya kunuka kigira ntsatsami ubwuki bukekeke yibu.

1 Samweli 14:43

Hene yaho Saulo ya volera Jonathan, U mbolere ga wa kola. Ma Jonathan ya mu volera, na a vola, Ligali inze nda tsatsama ku bwuki bukekeke ku isonga yempimbo ya li mmukono gwange; na henza, ga ndukira kukudza.

1 Samweli 30:12

na va mu ha kidonyi kvemango kyamakuyu, nevisakanyi viviri vyamazabibu: na lwa ya lia, mwoyo gwigwe gwa vuka muye kandi; kigira ya li na a ta litsanga vyokulia, kinga kunwa madzi, mbasu gyivaka nobudiku buvaka.