1 Samweli 14:15 - KITABU KITAKATIFU

¹⁵ Nelidegera lya li ho mu mahema, na mu mulimi, na hagati ha avandu vosi; avandu vomu lugaga navalanyi va degera kandi; nekivala kya degera: nelidegera lya li ho linene ligali.

1 Samweli 14:15 ပူးပေါင်းရင်းမြစ်များ

Litanga 35:5

Na va samula: na ubutii bwa Nyasaye bwa li ku madala aga va kumbiridza, navo va wla kulonderera avana va Yakobo.

2 Samweli 5:24

Na ga la va, lwa u hulira muliviti gweligenda ku tsisonge tsyemisala gyetsinyengereri, hene yaho u la singira bwangu; kigira Yahova u mali kutsia imbiri wowo inyinga yeyo kukuya lihe lya Vafilisiti.

Ayubu 18:11

Vindu vyokutihidza vi la mbika mu butii tsimbega tsyosi, Nokumulonderera tsimbiru himbi na maki gege.

Zaburi 14:5

Va gwiye mu butii bunene; Kigira Nyasaye a veye mu kisukululwi kya avobulungi.

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Danyeli 5:6

Hene yaho ligondo lyommoni mwomwami lya galula na tsiganagani tsitsye tsya mu hulula inkolo; na a kalika viyungu vyo mgongo, na amalu gege ga duyana.

Matayo 24:6

Kandi mu la hulira mahe namakuva gamahe mu henze, mu ta henda myoyo mba kigira vindu yivi vi ladza; navutswa kiheri ki kikiri.

Joshua 2:9

na ya volera avasatsa yavo, Inze mmanya Yahova u mali kuha mwinye kivala yiki, kandi mmanya ubutii bwokutia mwinye bu gwiye ku kwinye, kandi vosi avamenyi mu kivala yiki va la yenguka imbiri wenyu.

Vakalagi 7:21

Na va singira sa mulala ha bugono hehe kukumberidza hokusosa hosi; nelihe lyosi liruka; navo va kupa luku, ni va va kunga.

1 Samweli 13:17

Na avalanyi va twula mu mahema ga Vafilisiti mu viduma vivaka: kiduma kilala kya girunkana kulonda inzira i tsitsanga Ofira, mu kivala kya Shuali,

1 Samweli 13:18

nekiduma kindi kya girunkana kugumira inzira ya tsitsanga Beth-horon; nekiduma kindi kya girunkana kugumira inzira yolwako ku luvega lwe livona lya Zeboim ku luvega lweligendanyama.

1 Samweli 13:23

Nelihe lya Vafilisiti lya twula kuduka mulumbatania lwa Mikimashi.

1 Samweli 14:14

Neliita yili lyokutanga, lya Jonathan ya kola na uyu wa mgingira vyuma vivye, lya duka kuli avandu makumi gaviri, mu kivala kyal duka kuli ligera lyenusu ya aker mbutambi bwakyo.

1 Samweli 14:16

Navalindi va Saulo mu Gibea ya Benjamini va lola; na, henza, kiduma kya kama, na va tsia yiyi na yiyi.

1 Samweli 7:10

Na lwa Samweli ya li mu lihaana kihaanwa kyokusambwa, Vafilisiti visunda himbi kulwana Israeli; navutswa Yahova ya syagukidza tsinkupa tsinene ku lidiku yilyo ku Vafilisiti, nokuvadambidza, navo va kuywa nokugwa imbiri wa Israeli.