1 Samweli 14:13 - KITABU KITAKATIFU

¹³ Na Jonathan yanegira na a mola namakono gege nevirenge vivye, nowa mgingira vyuma vivye ya mu londa inyima: navandu yavo va gwa imbiri wa Jonathan; na wa mgingira vyuma vivye ya viitira inyima wewe.

1 Samweli 14:13 ပူးပေါင်းရင်းမြစ်များ

Zaburi 18:29

Kigira ku ive nzatannyi lihe; Noku Nyasaye wange nsiiye lidigi.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 28:7

Yahova a la kola avasigu vovo ava ku vukiranga va duywe imbiri wowo: va la ku twulira ku inzira indala, na va liruka imbiri wowo ku tsinzira tsitano na tsiviri.

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Vahebraina 11:34

va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

Joshua 23:10

Mundumulala ku mwinye a la kunga elfu, kigira Yahova Nyasaye wenyu, niye u mu lwaniranga, kuli ya mu volera.

Vakalagi 9:54

Hene yaho ya langa bwangu musoleli wa ginga vyuma vivye, na a mbolera, Somola kivavi, u nziite, avandu va vule kuvola ku inze, Mukali ya mwiita. Ma musoleli wewe ya mu tumita, na a kudza.

1 Samweli 14:12

Navandu vomu lugaga va tivulira Jonathan na uyu wa ginga vyuma vivye, ni va vola, Mwanegire yino, na ku la mmannya kindu. Na Jonathan ya volera wa mgingira vyuma vivye, Wanegire inyima wange, kigira Yahova u va viki mmakono ga Israeli.

1 Samweli 14:14

Neliita yili lyokutanga, lya Jonathan ya kola na uyu wa mgingira vyuma vivye, lya duka kuli avandu makumi gaviri, mu kivala kyal duka kuli ligera lyenusu ya aker mbutambi bwakyo.