1 Samweli 13:7 - KITABU KITAKATIFU

⁷ Navandi kuvo Vahebraina vambuka Yordani nokwingira mkivala kya Gadi na Gileadi; navutswa ku amakuva ga Saulo, lwa kikiri Gilgali, navandu yavo vosi va mu londa yo ni va degera.

1 Samweli 13:7 ပူးပေါင်းရင်းမြစ်များ

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Kwidzulitsa 20:8

Kandi avanyampara va mede kuvolera vandu, va vole, Ni mundu ki u veye wobutii nowomwoyo mudedekere? A tsie yirane yengo wewe, gase myoyo gya vamwavo veve gyi la salaluka kuli mwovo gwigwe.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 3:12

Nekivala yiki kwa ki vugula kuva miyandu gyetu inyinga yeyo: kutwula Aroeri, li veye himbi nelivona lya Arnon, nenusu yekivala kyevigulu vya Gileadi, namadala ga li mu, nda ha Varubeni na Vagadi:

Joshua 13:11

na Gileadi, na ku lwako lwa Vageshuri na Vamaakathu, nekigulu kyosi kya Herimon, na Bashan hosi kuduka Saleka;

Joshua 13:8

Halala naye Varubeni na Vagadi va nyole miyandu gyavo, gya Musa va va ha, engereka w a Yordani ku iuvega lwevugwi, kuli Musa mutumekiri wa Yahova ya va ha:

Vakalagi 7:3

Kunangwa kalunu u tsie kulandidza mu amatu gavandu, nokuvola Ku vosi u veye nobutii nokudegera yirane a twule mkigulu kya Gileadi. Navo virana kuvo avandu tsielfu makumi gaviri na tsiviri, na va tigala tsielfu likumi.

1 Samweli 13:8

Na ya linda madiku gatano na gaviri, kuli inyinga ya Samweli ya mu laga: navutswa Samweli si yadza Gilgali; navandu va li ni va salani kutwula ku Saulo.

1 Samweli 17:11

Na lwa Saulo na Israeli vosi va hulira makuva yaga ago Mufilisiti, va timuka enkolo, ni va tia ligali.

1 Samweli 31:7

Navandu va Israeli ava li ku luvega lundi lwelivona, na yavo ava li engereka wa Yordani lwa va lola avandu va Israeli viruki kandi Saulo na avana veve va kudzi, yavo kandi va leka madala yago ni viruka; na Vafilisiti va tsia kumenya mu madala yago.