1 Samweli 13:6 - KITABU KITAKATIFU

⁶ Lwa avandu va Israeli va lola va veye mu kivi (kigira avandu va hendidzwa mwoyo), hene yaho avandu vivisa mu tsimbangaywa, nommulitu, nommagina, nombogo, nommalina.

1 Samweli 13:6 ပူးပေါင်းရင်းမြစ်များ

2 Samweli 24:14

Na Daudi ya volera Gadi, Inze mbeye mu kivi kinene: u ku leke ku gwe mmukono gwa Yahova; kigira tsimbabasi tsitsye tsi veye tsinene ligali; mbule kugwa mmukono gwomundu.

Isaya 42:22

Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.

Jeremia 41:9

Ma ubogo yibwo ubwa Ishmaeli ya ta mu mibiri mikudzu gyosi gyavandu va yiita, himbi na Gedalia (bu veye ubwa Asa mwami ya yava kigira ya tia Baasha mwami wa Israeli), Ishmaeli mwana wa Nethania ya bwizulitsa na yavo aviitwa.

Ezekieli 33:27

U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye.

Vafilipi 1:23

Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita:

Vahebraina 11:38

(avandu avelirova li ta dukana kuva navo), va vodonkananga mu kyangalangwi, nomu vigulu, nomu tsimbangaywa, nomu mbogo bwelirova.

Joshua 8:20

Na lwa avandu va Ai va henza inyima wavo, va lola, henza, mwoki gwelidala gu dumanga igulu, na si va li netsingulu tsyokwiruka yiyi kinga yiyi mba: na avandu ava li ni virukanga kutsia mu kyangalangwi, va girunkana ni virana kuvo ava va londerera.

Vakalagi 10:9

Navana va Amon vambuka Yordani kulwana na Yuda, nokulwana na Benjamini, nenyumba ya Efiraim; ni ndiyo Israeli ya nyankidzwa ligali.

Vakalagi 20:41

Navasatsa va Israeli va girunkana, navasatsa va Benjamini va henda mwoyo; kigira va lola budamano bu duka kuvo.

Vakalagi 6:2

Mukono gwa Midiani gwa guuta Israeli, kandi kigira Midiani avana va Israeli velombera bogo mu vigulu, netsimbangaywa, netsimpinga.

1 Samweli 13:15

Na Samweli ya singira, na a twula ha Gilgali na a tsia Gibea ya Benjamini. Na Saulo ya validza avandu va veye halala naye, va duka kuli avandu tsimia tsitano ne indala.

1 Samweli 14:11

Navo vombi velangaminya avene ku Vafilisiti volugaga: Vafilisiti va vola, Henzi, Vahebraina va twuli mbogo bwa vivisa mu.

1 Samweli 14:22

Na ndiyo kandi avasatsa vosi va Israeli avivisa mu kivala kyevigulu kya Efiraim, yavo lwa va hulira Vafilisiti viruki, yavo va va londerera mu lihe.

1 Samweli 23:19

Ma Vazifu vanegira ku Saulo ha Gibea, ni va vola, Daudi si yivisa ku kwinye mu lyevisa lyomulitu, mu kigulu kya Hakila, ki veye ku luvega lwa kusini kye kyangalangwi?

1 Samweli 24:3

Naye ya duka ku inzira ha vigo vyamagondi, ha zana ha li noluhangaywa; na Saulo yingira mu kukunika virenge vivye. Na Daudi navandu veve va li ni va menya mu luhangaywa ku luvega lwomugati ligali.

1 Samweli 31:7

Navandu va Israeli ava li ku luvega lundi lwelivona, na yavo ava li engereka wa Yordani lwa va lola avandu va Israeli viruki kandi Saulo na avana veve va kudzi, yavo kandi va leka madala yago ni viruka; na Vafilisiti va tsia kumenya mu madala yago.

1 Samweli 7:7

Na Vafilisiti lwa va hulira avana va lsraeli va vugani halala ha Mizipa, avakulundu va Vafilisiti vanegira ku Israeli. Navana va Israeli, lwa va nyola amakuva, va tia Vafilisiti.