1 Samweli 13:5 - KITABU KITAKATIFU

⁵ Na Vafilisiti va vugana halala kulwana na Israeli, magari tsielfu makumi gavaka, na va nina tsiparasi tsielfu tsitano na indala, halala navandu kuli muyeke gu veye ku luginga lwenyanza, kigira va li vanyingi ligali; navo vanegira, ni va singeridza mahema gavo ha Mikimashi, ku luvega lwevugwi wa Beth-aven.

1 Samweli 13:5 ပူးပေါင်းရင်းမြစ်များ

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

2 Samweli 17:11

Navu tswa inze nku hedzanga livola lyange, Israeli vosi va vungidzwe halala ku ive, kutwula Dan kuduka Beersheba, kuli muyeke gu veye ku luginga lwenyanza ku bunyingi bwagwo; kandi ive mwene u tsie mbulwani.

1 Avami 20:27

Na vana va Israeli navo va vungidzwa, na va hebwa vyokulia, ni va tsia kulwana navo: na avana va Israeli va lomba hokusosa havo imbiri wavo va fwanana nevyayo viviri vikekeke vyevimeme; navutswa Avasiria vidzula kivala.

2 Kyetsinyinga 1:9

Na kalunu, O Yahova Nyasaye, lisuuviridza lya wa ha dada wange Daudi li dinyeri dzwe; kigira u nyamehidzi ku va ndu vanyingi kuli lugukyi lwelirova.

Isaya 10:28

U duki Aiathu, u viti hagati ha Migiron; u viki viju vivye ha Miki mashi;

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Jeremia 15:8

Avakunzakaii vavo va medeki ku inze kuvita muyeke gwomu inyanza; ndeti kuvo umulanyi, ku mama wavasoleli, inyinga yo mbasu hagati: ndeti ubululu nevyokutihidza kugwa kuye nonoho.

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Hosea 4:15

Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 5:8

Mu kupe kisiliva mu Gibea, mu kupe imbuumi mu Rama: mu kupe kyokutihidza ha Bethaven; ha inyima hoho, O Benjamini.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Joshua 11:4

Navo va tsia, avene na amahe gavo gosi halala navo, avandu vanyingi, kuli muyeke gwoku luginga lwenyanza, ku bunyingi bwavo, halala na tsiparasi na magari amanyingi ligali.

Joshua 18:12

Lwako lwavo ku luvega lwa kasikasini lwa twula ku mugera gwa Yordani; na lwako lwa vita kuduka mbalu mwelidala lya Yeriko ku luvega lwa kasikasini, na lwa vita hagati hekivala kyevigulu kuhenza ku luvega lwemadioli; ne kiheri kyalwo ki veye ha kyangalangwi kya Bethaven.

Joshua 7:2

Na Joshua ya tuma avandu kutwula Yeriko kutsia Ai, li veye himbi Bethaven, ku luvega lwevugwe we Betheli, na ya va volera, na a vola, Mu tsie mu lute kivala yikyo. Na avandu zana va tsia ni va luta lidala lya Ai.

Vakalagi 7:12

Ma Vamidiani na Vaamaleki navana vesi vevugwi ava gona mwivona kuli tsisigi tsinyingi; netsing'amia tsyavo tsya vula kuvalika, kuli umuyeke gu veye ku luginga lwenyanza tsinyingi.

1 Samweli 13:11

Na Samweli ya mu teva, Ive u koli ki? Saulo ya mu volera, Kigira nda li kulola avandu ni va salani kutwula ku inze, kandi ive si wadza mu madiliu ga lagwa, kandi Vafilisiti va vugana halala ha Mikimashi,

1 Samweli 13:2

na Saulo yetovolera avandu avasatsa tsielfu tsivaka va Israeli; kuvo tsielfu tsiviri va li halala na Saulo ha Mikimashi no mu kigulu kya Beth-eli, na elfu indala va li halala na Jonathan mu Gibea ya Benjamini: navandu va tigala ya va hila sa mulala mu lihema lilye

1 Samweli 14:23

Na Yahova ya honnya Israeli lidiku yilyo: nelihe lya vita kuduka himbi Beth-aven.

1 Samweli 14:52

Ha li ho ubulwani ubululu ligali ku Vafilisiti amadiku gosi ga Saulo: na Saulo lwa ya lola mundu wetsingulu, kinga muluviriri, ya mu leta kuye ave naye.

1 Samweli 17:1

Ma Vafilisiti va vungidza amahe gavo va duke kulwana; na va vunga halala ha Soko, ha veye lidala lya Yuda, na va singeridza mahema gavo hagati ha Soko na Azeka, mu Efesi-damim.

1 Samweli 7:13

Ni ndiyo Vafilisiti va guutwa, navo si vingira kandi mu tsinzako tsya Israeli: nomukono gwa Yahova gwa li ku Vafilisiti madiku gosi ga Samweli.