1 Samweli 12:9 - KITABU KITAKATIFU

⁹ Navutswa vivirira Yahova Nyasaye wavo; naye ya va gulidza na a va vika mmukono gwa Sisera, wa li munene welihe lya Hazoru, nommakono ga Vafilisiti, nommukono gwomwami wa Moabu; na va lwana navo.

1 Samweli 12:9 ပူးပေါင်းရင်းမြစ်များ

2 Samweli 7:11

kuli kutwula ku lidiku lya nda laga avakalagi va ve ku avandu vange Israeli; nda ku ha bwelemeridzi ku vasigu vovo vosi. Kuvita yaga Yahova a ku voleranga, Yahova a la ku lombere inyumba.

Zaburi 106:21

Vivirira Nyasaye Muhonyi wavo Uyu wa va kolera vindu vinene mu Egepeti,

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Vakalagi 10:7

Ubutima bwa Yahova bwaaka ku Israeli, na ya va gulidza na a va vika mmakono ga Vafilisiti, nomu makono n gavana va Amon.

Vakalagi 13:1

Kandi avana va Israeli va kola budamano kandi imbiri wa Yahova; na Yahova ya va vika mmukono gwa Vafilisiti mihiga makumi gane.

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 3:12

Navana va Israeli va kola ubwoni kandi imbiri wa Yahova: na Yahova ya ha Egilon mwami wa Moabu tsingulu ku Israeli, kigira va kola budamano imbiri wa Yahova

Vakalagi 3:31

Na inyima wa uyu ya li ho Shamigari, mwana wa Anathu, naye ya kuya ku Vafilisiti avandu tsimia tsitano na indala na makangu getsing'ombe, naye kandi ya honnya Israeli.

Vakalagi 4:2

Na Yahova ya va gulidza na a va vika mmukono gwa Jabin mwami wa Kanani, wameha mu Hazoru; womunene welihe lilye ya li Sisera, wa menya mu Haroshethu lye Tsihiri.

1 Samweli 12:15

navutswa ni mu va ni mu vula kuhulira mwoyo gwa Yahova, navutswa mu tinguha lilaga lya Yahova, hene yaho mukono gwa Yahova gu la va ku mwinye, kuli gwa li ku vaguga venyu.