1 Samweli 12:3 - KITABU KITAKATIFU

³ Mbe hano: mu lolekidze ku inze imbiri wa Yahova, na imbiri wombake wewe: neng'ombe ya bwaha ya nda vugula? Kinga nesukiri ya bwaha ya nda vugula? Kinga ni bwaha wa nda ganga? Nda dambidza bwaha? Nda vugula vikukula ku mukono gwa bwaha, kuduka ku vakulidza navyo tsimoni tsyange na nda virannye ku mwinye.

1 Samweli 12:3 ပူးပေါင်းရင်းမြစ်များ

2 Samweli 22:22

Kigira ng'umiye tsinzira tsya Yahova, Kandi si nda twula ku Nyasaye wange ku budamano.

Nehemia 5:11

Mwadza, lero mwirannye kuvo mi limi gyavo, nemilimi gyamizabibu, nemilimi gyemizeituni, netsinyumba tsyavo, kandi halala na yaga mwira nnye kidieli kya mia kyefetha, nekyobuswage, nekyewaini, nekyamaguta, vya mwa va tungidza.

Zaburi 15:5

Uyu si a vikanga vyambeti ku ifetha yeye Kandi si a vugula kikukula kwononnya uyu u ta li nekindu kuye. Uyu u kolanga makuva yaga si a dengeyanga mihiga nemihiga.

Kutwula 20:17

U ta kayirwa inyumba yowakyo mba, u ta kayirwa mukali wowakyo mba, kinga mutugwa muyai wewe, kinga mutugwa mukana wewe, kinga ing'ombe yeye, kinga isukiri yeye, kinga kilala ku vyosi vya a veye navyo.

Kutwula 22:4

Na kindu kiibwa ni ki nyoleka mu mukono gwigwe, ni kiri mwoyo, ni i va ing'ombe, kinga isukiri, kinga ligondi; a la tunga hali kaviri.

Kutwula 23:8

Kandi u ta vugula vikukula: kigira vikukula vi vakulidzanga tsimoni tsya yavo ava lolanga, nokukyaminya makuva ga avalungi.

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Kyavalevi 6:4

hene yaho ga la va, na a kola ubwoni nokunyola lihyolo, a lirannya lya ya nyola ku linuula kinga kindu kya ya nyaga netsingulu kinga kyokulindwa kya vikwa kuye, kinga kya gota kya ya dola,

Kyavalevi 6:5

kinga ku vyosi kya yesu ha ku nobubehi; a la virannya kuduka ku budukiru bwakyo, nokumeda ku kidieli kyevitano: a la haana ku uyu wa ki veye kikye, ku lidiku yilyo lyelikalagirwa lilye kuva welihyolo.

Livalidza 16:15

Na Musa ya vihirirwa ligali, na a volera Yahova, U ta bugirira kihaanwa kyavo: inze si nda vugula kali isukiri indala kuvo, kandi si nda saliridza mundu kali mulala kuvo.

Matayo 22:21

Ni va mu volera, Ni vya Kaisari. Hene yaho ya va volera, Mu he Kaisari vindu vya Kaisari, na Nyasaye vindu vya Nyasaye.

Luka 19:8

Zakayo ya singira na a volera Mwami, Henza, Mwami, mbedza avadaka inusu vye vindu vyange ni mba ni nyaga mundu kali mulala, kindu, mmwi ranyira hali kane.

Vikolwa 20:33

Si nda kayirwa ifetha yomundu kinga thahabu kinga tsingubo.

2 Vakorintho 12:14

Henzi, i veye hali kavaka inyinga yiyi ya nzetegeki kuduka ku mwinye; kandi si nyala kuva muliduhu ku mwinye: kigira si nyenya vindu vyenyu, navutswa nyenya mwinye: kigira si ga dukira avana kuvikira avivuli vindu, navutswa navivuli ava vikira avana.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

1 Vatesalonike 2:10

Mwinye mu veye avalolekidzi, kandi Nyasaye, kuli wa kwa li nolugendo lwobutakatifu nobulungi, bugira kindu ku kwinye imbiri wenyu mwinye avasuuviri:

1 Vatesalonike 2:5

Kigira tsinyinga tsyosi si kwa loleka kutumekira amakuva gokwidzominya ligali, kuli mu ma nya, nekyokuvisa likayirwa lidamano Nyasaye a veye muloli;

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

1 Samweli 10:1

Hene yaho Samweli ya vugula kachupa kamaguta, na ya ga tsuka ku mutwe gwigwe, na ya mu busa, na a mu volera, Si ga veye kigira Yahova u ku vaki maguta u duke kuva munene ku miyandu gyigye?

1 Samweli 12:4

Navo va vola, Si wa ku ganga mba, kinga si wa ku dambidza, kinga si wa vugula kindu ku vyosi ku mukono gwamundu kali mulala.

1 Samweli 12:5

Naye ya va volera, Uyu Yahova a veye muloli ku mwinye, na uyu mbake wewe a veye muloli lero, mwinye mwa vula kunyola kindu kali kilala mmukono gwange. Ni va vola, A veye muloli.

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

1 Samweli 24:11

Nokuvita yaga, dada wange, henza, yee, henza ulukigiti lyengubo yoyo mmukono gwange; navutswa inkuva yiyi, yagira ni nkala lukigiti lwengubo yoyo, ni mbula kukwiita, u manye na u lole si ha veye nobudamano kinga ubukyamu mmukono gwange, na mbule kukola bwoni ku ive, kali ive no u seteranga livamwoyo lyange kuligumira.

1 Samweli 24:6

Na ya volera avandu veve, Yahova a ngaye mbule kukolera mwami wange kindu yiki, a veye mbake wa Yahova, kunyira mukono gwange kuye, kigira a veye mbake wa Yahova.

1 Samweli 24:7

Na ndiyo Daudi ya gaya avandu veve namakuva yaga, si a va leka va singire kutsia ku Saulo. Na Saulo ya singira na a twula mu luhangaywa, na a tsia.

1 Samweli 26:11

Yahova a ngaye mbule kunyira mukono gwange ku mbake wa Yahova: navutswa kalunu, mwadza, u vugule litimu li veye ha mutwe gwigwe, nekimuga kya madzi, ku tsie.

1 Samweli 26:9

Na Daudi ya volera Abishai, U ta mu dividza; kigira ni bwaha u nyala kunyira mukono gwigwe ku mbake wa Yahova, ma a vule kuva nekindu kuye?