1 Samweli 12:20 - KITABU KITAKATIFU

²⁰ Na Samweli ya va volera, Mu ta tia mba: ligali mu koli ubudamano yibu bwosi; navutswa mu ta leka Yahova, nokugirunkana kuvula kumulonda, navutswa mu tumekire Yahova nomwoyo gwenyu gwosi:

1 Samweli 12:20 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Zaburi 101:3

Si nda vika kindu kidamano imbiri wetsimoni tsyange: Ndunyira miyinzi gya yavo ava gota inzira; Si gyi la ng'umira mba.

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Zaburi 40:4

A veye nobugasu mundu u kolanga Yahova kuva kisuuviri kikye, Na a vula kuyeka ku avegingiri kinga kuvo ava kyama ku ububehi.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Kutwula 32:30

Kunangwa Mugamba, Musa ya volera avandu, Mu koli ubwoni bunene: na kalunu ndanegira ntsie ku Yahova; namusiya nda lomba kyokukunika ubwoni bwenyu.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 11:16

Mwelinde mwinye avene, gase myoyo gyenyu gyi la gadwa, nokugirunkana, nokutumekira avanyasaye vandi, nokuvasigamira;

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Joshua 23:6

Kunangwa mu ve avaluviriri kulinda nakukola gosi ga ng odwa mu kitabu kyelilaga lya Musa, mu vule kugirunkana ku li leka kutsia haluvega lwomukono mulungi kinga lwomukono mmosi;

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.