1 Samweli 12:17 - KITABU KITAKATIFU

¹⁷ Si i veye ligesa lyengano lero? Inze ndanira Yahova, a duke kuleta inkupa nembula; na mwinye mu la manya nokulola ubudamano bwenyu bu veye bunene, bwa mwa kola imbiri wetsimoni tsya Yahova, mu lyenya umwami.

1 Samweli 12:17 ပူးပေါင်းရင်းမြစ်များ

Zaburi 99:6

Musa na Haruni va li mu avasalisi veve, Na Samweli mu avanira lieta lilye; Vanira Yahova, naye ya va tivulira.

Kutwula 32:30

Kunangwa Mugamba, Musa ya volera avandu, Mu koli ubwoni bunene: na kalunu ndanegira ntsie ku Yahova; namusiya nda lomba kyokukunika ubwoni bwenyu.

Tsing'ano 26:1

Kuli likonza inyinga yekimeyo, na kuli imbula inyinga yeli gesa, Ni ndiyo lidzominywa si li dukira musiru.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Joshua 10:12

Hene yaho Joshua ya volera Yahova, ku lidiku yilyo lya Yahova ya twulidza Vaamori imbiri wa avana va Israeli; na a vola imbiri wetsimoni tsya Israeli, Ive Liuva, singira igulu ku Gibeon; Ne ive, Mweli, singira mwivona lya Aijalon.

1 Samweli 12:13

Kunangwa kalunu mu henze mwami wenyu wa mwa tovola, naye niye wa mwenya: na, henza, Yahova u mali kwamehidza mwami ku mwinye.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 2:10

Yavo ava hing'ana na Yahova va la donyanywa vidonye; A la twulidza inkupa migulu kuduka kuvo: Yahova a la kalagira viheri vyelirova; Na a la ha umwami wewe ubunyali, Na a la ginga lwiga lwombake wewe.

1 Samweli 7:5

Na Samweli ya vola, Israeli vosi va vugane halala ha Mizipa, na inze nda saalira mwinye ku Yahova.

1 Samweli 8:6

Navutswa likuva yili lya vihiridza Samweli, lwa va vola, U ku he mwami a ku kalagire. Na Samweli ya saala Yahova.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.