1 Samweli 12:13 - KITABU KITAKATIFU

¹³ Kunangwa kalunu mu henze mwami wenyu wa mwa tovola, naye niye wa mwenya: na, henza, Yahova u mali kwamehidza mwami ku mwinye.

1 Samweli 12:13 ပူးပေါင်းရင်းမြစ်များ

Hosea 13:11

Inze mma li kukuheera mwami mu livihirirwa lyange, na nda mu twulidza mu butima bwange.

Vikolwa 13:21

Lwanyima va saava va hebwe mwami: na Nyasaye ya va ha Saulo mwana wa Kishi, mundu wehiri ya Benjamini, kuduka inyinga yemihiga amakumi gane.

1 Samweli 10:24

Na Samweli ya volera avandu vosi, Mu lolanga uyu wa Yahova a tovoye, si ha veye nowundi u leng'ana naye mu avandu vosi? Navandu vosi va hanzuka, ni va vola, Nyasaye a linde uyu mwami.

1 Samweli 11:15

Navandu vosi va tsia Gilgali; na vamehidza Saulo a ve mwami imbiri wa Yahova mu Gilgali; na viita tsisadaka tsyemirembe imbiri wa Yahova; na Saulo navandu vosi va Israeli va sanngala ligali.

1 Samweli 12:17

Si i veye ligesa lyengano lero? Inze ndanira Yahova, a duke kuleta inkupa nembula; na mwinye mu la manya nokulola ubudamano bwenyu bu veye bunene, bwa mwa kola imbiri wetsimoni tsya Yahova, mu lyenya umwami.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 8:5

na va mu volera, Henza, ive u veye musakulu, navana vovo si va gendanga mu tsinzira tsitsyo mba; kunangwa kalunu u ku singeridzire mwami kukukalagira kuli tsihiri tsyosi.

1 Samweli 9:20

Kandi ku makuva getsisukiri tsitsyo tsi goti madiku gavaka, u ta nyankana ku yitsi; kigira tsi mali kuloleka. Kandi gosi agenyangwa mu Israeli ga veye ku bwaha? Si ga veye ku ive noku inyumba yosi yadada wowo?