1 Samweli 10:8 - KITABU KITAKATIFU

⁸ Na u la sulunguta imbiri wange kutsia Gilgali; na, henza, nda sulunguta yo ku ive, nduke kuhaana kihaanwa kyokusambwa, nokwiita tsisadaka tsyemirembe: u la nindirira madiku gatano na gaviri, kuduka lwa ndidza ku ive, nokukumannya aga u li kola.

1 Samweli 10:8 ပူးပေါင်းရင်းမြစ်များ

2 Samweli 19:16

Na Shimei mwana wa Gera, Mubenjamini, wa Bahurim, ya kola bwangu kusulunguta halala navandu va Yuda kwaganira mwami Daudi.

Kyavalevi 3:9

Na a la leta ku vihaanwa vyemirembe, kihaanwa ki lombwa nomuliru ku Yahova; na itinya yakyo, na msembe gwosi, a la gi twulidza nokugikalira himbi nekigumba kyomugongo; na itinya yosi yomunda, na itinya yosi yoku amala,

Joshua 4:19

Na avandu yavo vosi vanegira kutwula mu Yordani ku lidiku li kola likumi lyomweli gwokutanga, na vombaka mahema gavo mu Gilgali, ha luvega lwevugwe wa Yeriko.

1 Samweli 13:4

Na Israeli vosi va hulira, Saulo u duyi lihe lyo lugaga lya Vafilisiti, na Israeli va li ni va veye livihiriridza ku Vafilisiti. Navandu va li ni va vugani halala kulonda Saulo kutsia Gilgali.

1 Samweli 15:33

Na Samweli ya mu volera, Kuli kivavi kikyo kya kola avakali va ve bugira avana, ni ndiyo mama wowo a la va bugira mwana hagati ha avakali. Na Samweli ya dononnya Agagi imbiri wa Yahova ha Gilgali.