1 Samweli 10:6 - KITABU KITAKATIFU

⁶ na Roho wa Yahova a ladza ku ive netsingulu, na ive u la profeta halala navo, na u la girunkanywa kuva umundu wundi.

1 Samweli 10:6 ပူးပေါင်းရင်းမြစ်များ

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Livalidza 11:25

Na Yahova yika mu lilesi, na a mu volera, na a vugula ku Roho wa li ku Musa, na a mu vika ku avakulundu makumi gatano na gaviri: na ga duka, lwa Roho yika kuvo, va profeta, navutswa si va kola ndiyo kandi.

Livalidza 11:26

Navutswa avandu vaviri va tigala mu hokusosa, lieta lya mulala lya li Elidadi, na lieta lya wundi lya li Medadi: na Roho yika kuvo; navo va li ku yavo ava ng'odwa, navutswa si va twula kutsia ku Lihema; navo va profeta mu hokusosa.

Livalidza 11:29

Na Musa ya mu volera, U veye nelikendeka kigira inze? Nkano avandu vosi va Yahova va veye avaprofeti, nkano a vike Roho wewe kuvo

Matayo 7:22

Ku lidiku yilyo vanyingi va la mbolera, Mwami, Mwami, si kwa profeta ku lieta lilyo, kandi si kwa twulidza amademone ku lieta lilyo, kandi si kwa kola miyinzi minene minyingi ku lieta lilyo?

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

Vakalagi 15:14

Lwa ya duka Lehi, Vafilisiti va hanzuka lwa va vugana naye: na Roho wa Yahova ya duka kuye netsingulu, nemigoye gya li ku makono gege gya gwa kuli katani yomuliru gu sambi, na vikundikiru vyagyo vya twula ku makono gege.

Vakalagi 3:10

Na Roho wa Yahova yadza kuye, na ya kalagira Israeli: na ya twula kutsia mbulwani, na Yahova ya vika Kushan-rishathaim mwami wa Mesopotamia mmukono gwigwe: nomukono gwigwe gwa guuta Kushan-rishathaim.

1 Samweli 10:10

Na lwa va duka ha kigulu, henza, avaprofeti va vugana naye; na Roho wa Nyasaye ya duka kuye netsingulu, na ya profeta hagati havo.

1 Samweli 10:9

Na ga duka, lwa ya girunkana mugongo gwigwe kutwula ku Samweli, Nyasaye ya mu ha mwoyo gundi; nevilolekidza yivi vyosi vya duka lidiku yilyo.

1 Samweli 11:6

Nonoho lwa ya hulira amakuva yaga Roho wa Nyasaye ya duka ku Saulo netsingulu, nobutima bwibwe bwaaka ligali.

1 Samweli 16:13

Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.

1 Samweli 19:20

Ma Saulo ya hiia vatumwa kuvugula Daudi: na lwa va lola kiduma kyavaprofeti va veye mu liprofeta, na Samweli u singiye kuli a veye mutwe gwavo, Roho wa Nyasaye yadza ku vatumwa va Saulo, navo kandi va profeta.