Na ga duka inyima wa yaga, Daudi ya teva Yahova, na a vola, Nzanegire kwingira mu lilala ku madala ga Yuda? Na Yahova ya mu volera, Wanegire. Na Daudi ye teva, Nzanegire kutsia haliha? Naye ya vola, U tsie Hebironi.
Mmadiku ga Daudi ya li ho inzala mihiga gyivaka, muhiga nomuhiga; na Daudi yenya mmoni mwa Yahova. Na Yahova ya vola, Ga veye kigira Saulo, na kigira inyu mba yeye ya masahi, kigira yiita Vagibeoni.
Naye a la singira imbiri wa Eleazaru musalisi, naye u la mu tevera ku likalagira lya Urim imbiri wa Yahova: ku likuva lilye va la twula, nokwingira, uyu, na avana va Israeli vosi halala naye, kali livugana lyosi.
Navana va Israeli va vuka, ni vanegira kutsia Belh-eli, ni va teva likuva ku Nyasaye; ni va vola, Ni bwaha ku kwinye va la tanga kwanegira kutsia kulwana navana va Benjamini? Na Yahova ya vola, Yuda a la tanga kwanegira.
Navana va Israeli vanegira nokulira imbiri wa Yahova kuduka mgolova; na va teva Yahova, ni va vola, Nzisundi himbi kandi kulwana na avana va Benjamini amwavo wange? Na Yahova ya vola, Mwanegire mu tsie kulwana naye.
na Finehasi mwana wa Eleazaru, mwana wa Haruni, ya li na a singira imbiri welisanduku mmadiku yago), na ya vola, Ntwule kandi ntsie kulwana navana na Benjamini amwavo wange, naho ndeke? Na Yahova ya vola, Mwanegire; kigira mugamba nda mu twulidza nokumuvika mmukono gugwo.
Na ya leta ihiri ya Benjamini himbi kuli ubwiko bwavo; nobwiko bwa Vamatiri bwa vugulwa: na Saulo mwana wa Kishi ya vugulwa: navutswa lwa va mwenya, si ya nyoleka mba.
Na Saulo ya teva livola lya Nyasaye, Nda sulunguta nokulonda Vafilisiti naho? U la va vika mmukono gwa va Israeli? Navutswa si ya mu tivulira lidiku yili mba.
Na Samweli ya vola, Kali nu u veye mukekeke mu tsimoni tsitsyo ive mwene, si wa lyamehidzwa kuva mutwe ku tsihiri tsva Israeli? Na Yahova ya ku vaka maguta kuva mwami ku Israeli;
Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.
Na Saulo ya tivula, na a vola, Inze si mbeye Mubenjamini, wehiri inkekeke ligali kuvita tsihiri tsyosi tsya Israeli? Nobwiko bwange bu veye bukekeke kuvita bwiko bwosi bwehiri ya Benjamini? Kigira ki u volera inze kuli yaga?