1 Samweli 10:16 - KITABU KITAKATIFU

¹⁶ Na Saulo ya volera dada wewe muke, Ya ku volera habulavu, Tsisukiri tsi mali kunyoleka. Navutswa ku makuva gobwami, aga Samweli ya mu volera, si ya ga vola mba.

1 Samweli 10:16 ပူးပေါင်းရင်းမြစ်များ

Kutwula 4:18

Na Musa ya tsia ni yirana ku Jethro navizala wewe, na a mu volera, Mwadza, mpe munwa ntsie kwirana ku avamitu vange ava veye mu Egepeti, nduke kulola ni va va ni va veye mwoyo lero. Na Jethro ya volera Musa, U tsie nemirembe.

Tsing'ano 12:23

Mundu wobugeeri a visanga limanya; Navutswa mwoyo gwavasiru gu lang'aminya ubusiru.

Tsing'ano 29:11

Umusiru a volanga vyelivihiririrwa vivye vyosi; Navutswa mundu wobugeeri a ligalira nokulihodzeridza.

Kohelethu 3:7

inyinga yokutandula, nenyinga yokunava; inyinga yoku kiring'ana, nenyinga yokumuloma;

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

Vakalagi 14:9

Naye ya vugula ubwuki mmakono gege, na a tsia imbiri, na a lia lwa a gendanga; na a duka ku dada wewe na mama wewe, na a va ha ku, ni va lia: navutswa si ya va volera a vuguye ubwuki yibu mu king'ang'a kikudzu mba.

1 Samweli 10:15

Dada wewe muke ya vola, Mwadza, u mbolere kindu kya Samweli ya ku volera.

1 Samweli 9:20

Kandi ku makuva getsisukiri tsitsyo tsi goti madiku gavaka, u ta nyankana ku yitsi; kigira tsi mali kuloleka. Kandi gosi agenyangwa mu Israeli ga veye ku bwaha? Si ga veye ku ive noku inyumba yosi yadada wowo?

1 Samweli 9:27

Na lwa va li ni va sulungutanga inyima welidala, Samweli ya volera Saulo, U volere mutugwa wowo a tsie imbiri wetu (na ya tsia imbiri), navutswa ive u tange kusingira hano, nduke kukukola u hulire likuva lya Nyasaye.