1 Samweli 1:22 - KITABU KITAKATIFU

²² Navutswa Hana ya vula kwanegira; kigira ya volera musatsa wewe, Inze si ndanegira mba kuduka lwa mwana uyu a luguhira, hene yaho nda mu leta, a duke kuloleka imbiri wa Yahova, nokumenya yo madiku gosi.

1 Samweli 1:22 ပူးပေါင်းရင်းမြစ်များ

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 23:6

Ligali ubugasu na tsimbabasi tsi la nonda madiku gange gosi; Na nda menya mu inyumba ya Yahova mihiga nemihiga.

Zaburi 27:4

Kindu kilala ntevi Yahova, yiki nda kyenya: Mmenye mu inyumba ya Yahova madiku gange gosi, Kulola ubulahi bwa Yahova, Nokuganagana mu litempeli lilye.

Kutwula 21:6

hene yaho munene wewe a la mu le'a imbiri wa Nyasaye, na a la mu leta ha muliango, kinga himbi na liliva lyomuliango; na munene wewe a la hudula gutu gwigwe nolugera; naye a la mu tumekira madiku gosi.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Kyavalevi 25:23

Na kivala si ki la gulidzwa ku ligulidzwa lyemihiga gyosi; kigira kivala ni kyange: kigira mwinye mu veye avageni na avamenyi halala na inze.

Luka 2:22

Amadiku gavo gokwetakasa kuli lilaga lya Musa, lwa ga duka vane gira naye Yerusalemi, kumusingiridza imbiri wo Mwami

Kwidzulitsa 16:16

Hali kavaka ku muhiga avasatsa vovo va la loleka imbiri wa Yahova Nyasaye wowo ha a la tovola: mu lilia lyobukima bu ta li namamera, na mu lilia lyamasidza, na mu lilia lyamadiri; va ta loleka imbiri wa Yahova namakono makaya;

Joshua 4:7

Hene yaho mu la va volera, Ga veye kigira amadzi ga Yordani ga kalika imbiri welisanduku lyelilagana lya Yahova; lwa lyambuka Yordani, amadzi ga Yordani ga kalika: na magina yaga ga la va lidzulitsa ku avana va Israeli mihiga nemihiga.

1 Samweli 1:11

Na ya vika lilagana, na a vola, O Yahova wamahe, ive nu u va nu u henza ligali ubuvereri bwomukana mutugwa wowo a veye nabwo, nokunzidzulira, na u vule kunzivirira inze mukana mutugwa wowo, na u haane ku inze mukana mutugwa wowo umwana muyai, hene yaho inze nda mu haana ku Yahova madiku gosi gelimenya lilye, nolugembe lu la vula kuduka ku mutwe gwigwe ligali.

1 Samweli 1:28

kunangwa mbaananga ku Yahova mwana uyu; inyinga a la va mwoyo u haaniywi ku Yahova. Na ya sigamira yo Yahova.

1 Samweli 13:13

Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.

1 Samweli 2:11

Na Elikana ya tsia Rama ku inyumba yeye. Nomwana ya tumekira Yahova imbiri wa Eli musalisi.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

1 Samweli 28:2

Na Daudi ya volera Akishi, Kigira yaga u la manya aga ndi kola, inze mutumekiri wowo. Na Akishi ya volera Daudi, Kigira yaga nda ku kola mulindi womutwe gwange kazozo.

1 Samweli 3:1

Nomwana Samweli ya tumekira Yahova imbiri wa Eli. Noku madiku yago amakuva ga Yahova si ga nyolekanga mba, navutswa ku budinyu; si ha li nelivuula habulavu.