1 Kyetsinyinga 17:2 - KITABU KITAKATIFU

² Na Nathan ya volera Daudi, na a vola, Kola gosi aga veye mu mwoyo gugwo; kigira Nyasaye a veye halala nive.

1 Kyetsinyinga 17:2 ပူးပေါင်းရင်းမြစ်များ

2 Samweli 7:3

Na Nathan ya volera mwami, Tsia, u kole gosi aga veye mmwoyo gugwo; kigira Yahova a veye halala nive.

1 Avami 8:17

Kunangwa ga li mmwoyo gwa dada wange Daudi kwombakira lieta lya Yahova Nyasaye wa Israeli, inyumba.

1 Kyetsinyinga 17:1

Na ga duka, lwa Daudi ya li na a menyi mu inyumba yeye, Daudi ya volera Nathan muprofeti, Henza, inze menyi mu inyumba ye tsimbao tsyomutaragwa, na lisa nduku lyelilagana lya Yahova li menyanga isi wetsingubo.

1 Kyetsinyinga 17:3

Na ga duka mbudiku zana, likuva lya Nyasaye lya duka ku Nathan, kuvola,

1 Kyetsinyinga 22:7

Na Daudi ya volera mwana wewe Solomoni, Inze mwene, nda li ni ng'anagana mu mwoyo gwange kwombaka inyumba i ve yelieta lya Yahova Nyasaye wange.

1 Kyetsinyinga 28:2

Ma mwami Daudi ya singira nevirenge vivye, na a vola, Mu hulire inze, avamitu, na mwinye avandu vange: makuva gange, ga nda saavira mu mwoyo gwange kwo mbaka inyumba yobusosi yelisanduku lyamalago ga Yahova, i ve intebe vevirenye vya Nyasaye wetu; na nda li ni mali kwetegeka kulyombaka.

Zaburi 20:4

A ku he vyomwoyo gugwo gwenyanga, Kandi a dukidze amakuva gogo gosi.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Luka 1:28

Yingira na a tsia kuye na a vola Mirembe, ive u vereywi tsimbabas ligali, Mwami a veye halala nive

1 Vakorintho 13:9

Kigira ku manya luvega lulala, kandi ku profeta luvega lulala;

Joshua 9:14

Na avasatsa yavo va vugula ku vyokulia vyavo, ni va vula kuteva likuva ku munwa gwa Yahova.

1 Samweli 10:7

Na ga la va, vilolekidzu yivi lwa vi duka ku ive, u kole kuli u lola bulahi kukola; kigira Nyasaye a veye halala nive.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.