1 Kyetsinyinga 11:3 - KITABU KITAKATIFU

³ Kunangwa avakulundu vosi va Israeli va tsia ku mwami wa li Hebironi; na Daudiya lomba lilagana halala navo imbiri wa Yahova ha Hebironi; navo va vaka Daudi ma guta nokumukola a ve mwami ku Israeli, kuli likuva lya Yahova lya ya vola nomunwa gwa Samweli.

1 Kyetsinyinga 11:3 ပူးပေါင်းရင်းမြစ်များ

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

2 Samweli 5:3

Ma avakulundu vosi va Israeli va tsia ku mwami ku Hebironi; na mwami Daudi ya lomba lilagana navo ha Hebironi imbiri wa Yahova: navo va vaka Daudi maguta a ve mwami ku Israeli.

2 Samweli 2:4

Navandu va Yuda va tsia, ni va vakira yo Daudi maguta, a ve mwami ku inyumba ya Yuda. Na va volera Daudi, ni va vola, Avandu va Jabeshgileadi nivo ava ta Saulo.

1 Samweli 16:3

Na u lange Jesse yadze ku isadaka, na nda ku mannya gokukola: na u la vaka amaguta uyu wa nku talira a ve wange.

2 Kyetsinyinga 23:3

Na livugana lyosi lya lomba lilagana nomwami mu inyumba ya Nyasaye. Na ya va volera, Henza, mwana uomwami a lamehe, kuli Yahova ya vola ku avana va Daudi.

2 Avami 23:30

Na vatumekiri veve va mu hilira mu ligari na a kudzi, kutwula Megido, na va mu leta Yerusalemi, nokumuta mu kili ndwa kikye mwene. Na vandu veki vala va vugula Jehoahazu mwana wa Josia, ni va mbaka maguta, nokumwamehidza mbugono bwa dada wewe.

2 Avami 11:17

Jehoiada ya kola lilagana hagati ha Yahova nomwami navandu, va duka kuva avandu va Yahova: kandi hagati homwami navandu.

1 Samweli 28:17

Yahova u ku koleye, kuli ya vola ku inze: Yahova u tanduye ubwami bu twule mmukono gugwo, nokubuhaana ku mutende wowo, naye ni Daudi.

1 Samweli 23:18

Na yavo vombi va lomba lilagana halala imbiri wa Yahova: na Daudi ya menya mu mulitu, na Jonathan ya tsia ingo wewe.

1 Samweli 15:28

Na Samweli ya mu volera, Yahova u tanduye ubwami bwa Israeli bu twule ku ive lero, naye u heye mulala ku avatende vovo, u veye mulahi kuvita ive.

1 Samweli 11:15

Navandu vosi va tsia Gilgali; na vamehidza Saulo a ve mwami imbiri wa Yahova mu Gilgali; na viita tsisadaka tsyemirembe imbiri wa Yahova; na Saulo navandu vosi va Israeli va sanngala ligali.

Vakalagi 11:11

Kunangwa Jefetha ya tsia halala navakulundu va Gileadi, navandu yavo va mu kola a ve mutwe numunene kuvo: na Jefetha ya volera makuva gege gosi imbiri wa Yahova ha Mizipa.

2 Samweli 5:5

Yameha mu Hebironi ku Yuda mihiga gyitano na gyiviri nemyeli gyitano na mulala; na mu Yerusalemi yameha mihiga makumi gavaka na gyivaka ku Israeli na Yuda vosi.

1 Kyetsinyinga 11:10

Ma avanene vavaluviriri va Daudi ya li navo ni yava, ava vika tsingulu halala naye mu bwami bwibwe, halala na Israeli vosi, kumu kola a ve mwami, kuli likuva lya Yahova ku Israeli.