1 Avami 3:3 - KITABU KITAKATIFU

³ Na Solomoni ya yanza Yahova, na a genda mu amalago ga Daudi dada wewe, navutswa ya haana vihaanwa na a samba vimuli ha diguluku.

1 Avami 3:3 ပူးပေါင်းရင်းမြစ်များ

1 Avami 11:34

Navutswa si nda twulidza ubwami bwosi mmukono gwigwe; navutswa nda mu kola a ve munene madiku gelivamwoyo lilye lyosi, kigira mutumekiri wange Daudi, wa nda tovola, kigira uyu ya gumira lilagana lyange namalago gange;

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

1 Avami 11:4

Kigira Solomoni lwa ya duka musakulu, ga duka, avakali veve va giru nkannya mwoyo gwigwe a londe avanyasaye vandi; nomwoyo gwigwe si gwa li mudukanu ku Yahova Nyasaye wewe, kuli liva lyomwoyo gwa dada wewe Daudi.

1 Avami 11:6

Solomoni ya kola ubudamano imbiri wetsimoni tsya Yahova, na ya vula kulonda Yahova nobudukiru, kuli dada wewe Daudi.

1 Avami 14:23

Kigira veyombakira hadiguluku, neminara, nemisala gyemisambwa, ku vigulu vitambi vyosi ne isi we misala gyosi gyamatu mavisi;

1 Avami 14:8

na nda tandula ubwami kutwula ku inyumba ya Daudi, nokubuha ive; navutswa ive si u va kuli mutumekiri wange Daudi, wa gumira lilagana lyange, nokulonda inze nomwoyo gwigwe gwosi, kukola ubulungi mu tsimoni tsyange, yaga geng'ine,

1 Avami 15:11

Na Asa ya kola bulungi imbiri wa Yahova kuli guga wewe Daudi ya kola.

1 Avami 15:14

Navutswa hadiguluku ha vula kutwulidzwa: navutswa mwoyo gwa Asa gwa li mudukiru imbiri wa Yahova madiku gege gosi.

1 Avami 15:3

Ya genda mu ubwoni bwosi bwa dada wewe, ya tanga kukola imbiri wewe; mwoyo gwigwe si gwa li mudukiru halala na Yahova Nyasaye wewe, kuli mwoyo gwa dada wewe Daudi.

1 Avami 15:5

kigira Daudi ya kola bulungi imbiri wa Yahova, si ya girunkana kuleka likuva lya Yahova madiku gosi gelivamwoyo lilye, ni ga ta li ku likuva lya Uria Muhiti lyeng'ine.

1 Avami 22:43

Naye ya genda ku inzira yosi ya Asa dada wewe; si ya girunkana ha luvega kuyo, na a kola bulungi imbiri wa Yahova: halala na yaga hadiguluku si ha twulidzwa mba; avandu yavo va haananga vihaanwa, nokuvuyidza vimuli hadiguluku.

1 Avami 22:44

Na Jehoshafatu ya kola mirembe nomwami wa Israeli.

1 Avami 3:14

Nu u va nu u genda mu tsinzira tsyange, kugumira miima gyange namalago gange, kuli dada wowo Daudi ya genda, hene yaho nda kola madiku gogo kuva manyingi.

1 Avami 3:6

Na Solomoni ya tivula, na a vola, Ive wa kolera Daudi dada wange, mutumekiri wowo, ubulahi bunyingi, kuli ya genda imbiri wowo mu geligali, nombulungi, nomubulahi bwomwoyo halala nive; na ive wa mu vikira ubulahi yibu bunyingi, kigira wa mu ha mwana kwikala ku intebe yeye yobwami, kuli ga veye lero.

1 Avami 8:25

Kuna ngwa kalunu, O Yahova, Nyasaye wa Israeli, u dukidzire mutumekiri wowo Daudi dada wange aga wa mu laga, lwa wa vola, Si u la gehera mundu musatsa mu tsimoni tsyange wokwi kala ku intebe yobwami ya Israeli avana vovo ni va va ni va linda inzira yavo, yaga geng'ine, kugenda imbiri wange kuli ive wa genda imbiri wange.

1 Avami 8:61

Kunapgwa myoyo gyenyu gyi ve midukanu ku Yahova Nyasaye wetu, kugenda mu malago gege, nokugumira lilagana lilye, kuli ga veye lero.

1 Avami 9:4

Kandi ku ive mwene, nu u va nu u genda imbiri wange, kuli dada wowo Daudi ya genda, na geligali gomwoyo, nombulungi, kukola kuli gosi aga nda ku laga, nokugumira amalago gange nemiima gyange;

2 Avami 12:3

Halala na yaga hadiguluku ha vula kutwulidzwa; avandu va li ni va ki haananga vihaanwa nokuvuyidza vimuli hadiguluku.

2 Avami 12:4

Na Jehoashu ya volera vasalisi, Ifetha yosi yevindu vya takaswa i letwa mu inyumba ya Yahova, ku ifetha yosi i tumekirangwa, ifetha yavandu kuli sa mulala a vikirwa, nefetha yosi i letangwa mu inyumba ya Yahova nomundu mwene ku liyanza lyomwoyo gwigwe kuleta,

2 Avami 14:3

Ya kola bulungi imbiri wa Yahova, navutswa si bwa leng'ana nobwa guga wewe Daudi mba: ya kola kuli vyosi vya dada wewe Joashu ya kola.

2 Avami 14:4

Navutswa hadiguluku si ha twulidzwa mba: avandu va li ni va ki haananga vihaanwa nokuvuyidza vimuli mu hadi guluku.

2 Avami 15:35

Navutswa hadiguluku ha vula kutwulidzwa: avandu va li ni va ki haananga vihaanwa nokuvuyidza vimuli hadiguluku. Naye yombaka kiribwa kyegulu kyenyumba ya Yahova.

2 Avami 15:4

Navutswa hadiguluku si ha twulidzwa mba: avandu va li ni va ki haananga vihaanwa nokuvuyidza vimuli hadiguluku.

2 Avami 18:22

Navutswa ni i va mu volera inze, Kwinye ku suuvira ku Yahova Nyasaye wetu; si a li niye, wa Hezekia ya twulidza hadiguluku ho bwali bwibwe, na a volera Vayuda na Yerusalemi, Mu la sigamira imbiri wobwali yibu mu Yerusalemi?

2 Avami 18:4

Hadiguluku ya twulidza ligali, na ya sambula minara, nokutema misala gyemisambwa: na ya donyanya inzoka yomugasa ya Musa ya lomba; kigira avana va Israeli va li ni va ki vuyidziranga vimuli kuyo kuduka ku madiku yago; nayo ya gulikwa Nehushitan.

2 Kyetsinyinga 15:17

Navutswa si ya twulidza hadigu luku mu Israeli mba: navutswa mwoyo gwa Asa gwa li mudukiru madiku gege gosi.

Zaburi 145:20

Yahova a lindanga yavo vosi ava mu yanzanga; Navutswa ala dividza avadamano vosi

Zaburi 31:23

O mu yanze Yahova, mwinye vosi avatakatifu veve: Yahova a lindanga avasuuvirifu, Na a tunganga ligali uyu u gendanga nobwigingiri.

Kyavalevi 17:5

kuduka avana va Israeli va lete vihaanwa vyavo, vya viitira kyova mu mulimi, kali kuduka va vi haane ku Yahova, ha kiliango kyelihema lyokuvuganira mu, ku musalisi, nokuvita vi ve vihaanwa vyemirembe vi haanwa ku Yahova.

Matayo 22:37

Naye ya mu volera, U yanze Mwami Nyasaye wowo nomwoyo gugwo gwosi, neliva mwoyo lilyo lyosi, nobugeeri bubwo bwosi.

Yohana 14:15

Ni mba ni mu yanza inze, mu la gumira malago gange.

Yohana 14:21

Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 10:13

nokugumira malago ga Yahova, na miima gyigye, gya nku laganga lero gyi ve ku ive ubugasu?

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Samweli 9:12

Navo va va tivulira, ni va vola, A veye ho; henza, a veye imbiri wowo: kola bwangu, kigira wingiye mu lidala lero ndi; kigira avandu va veye nekihaanwa lero hadiguluku.