1 Avami 2:3 - KITABU KITAKATIFU

³ u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

1 Avami 2:3 ပူးပေါင်းရင်းမြစ်များ

2 Samweli 8:14

Na ya vika avaskari kulinda mu Edom, mu Edom mwosi ya vika avaskari, navo vosi Vaedom va gwa avatumekiri va Daudi. Na Yahova ya ha Daudi liguuta hosi ha ya tsia.

2 Samweli 8:6

Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

1 Avami 3:3

Na Solomoni ya yanza Yahova, na a genda mu amalago ga Daudi dada wewe, navutswa ya haana vihaanwa na a samba vimuli ha diguluku.

2 Avami 18:7

Yahova ya li halala naye; hosi ha ya tsia ya gasidzwa: na ya kola bwebaali ku mwami wa Asuria, na a vula kumutumekira.

1 Kyetsinyinga 29:19

na u he Solomoni mwana wange mwoyo mudukiru, a duke kugumira lilagana lilyo, nelilolekidza lilyo, namalago gogo, nokukola vindu yivi vyosi, nokwombaka inyumba yobwami yiyi, ya nda vikira akiba yiyi.

Zaburi 119:111

Lilolekidza lilyo mbuguye kuva miyandu gyange mihiga gyosi; Kigira li veye lyokusangalidza mwoyo gwange.

Zaburi 119:138

U lagi lilolekidza lilyo mu bulungi Nomu ubusuuvirifu bweligali.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 19:7

Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Kyavalevi 8:35

Na mu la menya ha kiliango kyelihema lyokuvuganira mu madiku gatano na gaviri, mbasu nobudiku, nokulinda ubulindi bwa Yahova mu vule kukudza: kigira ni ndiyo ndageywi.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Kwidzulitsa 29:8

na kwa vugula kivala kyavo, ni ku ha Varubeni, na Vagadi, nenusu yehiri ya Vamanase, ki ve miyandu.

Kwidzulitsa 29:9

Kunangwa mu gumire amakuva gelilagana yili, mu ga kole, bu duke kuva bulahi ku mwinye mu vyosi vya mu kola.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:45

yili nilyo lilolekidza, na malago, nelikalaga, lya Musa ya volera avana va Israeli, inyinga va twula Egepeti,

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Kwidzulitsa 4:8

Kandi ha veye nehiri inene ki, i veye namalago nelikalaga lyobulungi kuli lilaga yili lyosi, lya mbikanga imbiri wenyu lero?

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 23:6

Kunangwa mu ve avaluviriri kulinda nakukola gosi ga ng odwa mu kitabu kyelilaga lya Musa, mu vule kugirunkana ku li leka kutsia haluvega lwomukono mulungi kinga lwomukono mmosi;

1 Samweli 18:14

Na Daudi ya kola nobugeeri mu tsinzira tsitsye tsyosi; na Yahova ya li halala naye.

1 Samweli 18:30

Inyinga yeyo avanene wa Vafilisiti va twula: na ga duka, ku tsinyinga tsyosi tsya va twula, Daudi ya kola nobugeeri kuvita avatumekiri vosi va Saulo; na lieta lilye lya li nelidzominywa linene ligali.

1 Samweli 18:5

Kunangwa Daudi ya twula a tsie hosi ha Saulo ya mu tuma, na ya kola nobugeeri: na Saulo ya mwamehidza ku avandu vobulwani, nenkuva yiyi ya li indahi ku avandu vosi, noku vatumekiri va Saulo kandi.