Titus 3:4 - Kasulatan to Diyus

⁴ Dì to Diyus no Maglilipwasay ta, pigka-atan ki din su piglogonan ki man nasì.

Titus 3:4 ပူးပေါင်းရင်းမြစ်များ

Lucas 1:47

aw tukhow ad lagboy no nadomdoman a man to Diyus no Maglilipwasay ku

Taga-Ruma 2:4

Agad mabo-ot to Diyus dì na-intobo-ot now buwa dow napatudyan kow on lagboy to Diyus to saà now aw mahabà to pagka-at din iyu awos mabalibadan now to ogpagawang to mado-ot no paghimu now. Dì wadà kow pad kastiguha to Diyus to saà now su awos podon mamakasosoo kow to saà now aw oyowi now.

1 Timoteo 1:1

Sulat likat kanak no si Pablo no tumutubus ni Jesu-Kristu. Diyus ta no Maglilipwasay ta to nigtubuy kanak no tumutubus aw gayod si Jesu-Kristu no Imananan ta.

1 Timoteo 2:3

Madoyow sikan no ig-ampù ta no ogka-uyunan to Diyus no Maglilipwasay ta

1 Timoteo 4:10

“Iyan igkapamakut ta lagboy su Diyus to og-imanon ta no piglikatan to kinabuhì no konad ogkawadà no Magbubulig to mgo otow tibò.” Aw labi-labi pad Magbubulig kandin diyà to mgo otow no nigtu-u diyà kandin.

2 Timoteo 1:10

Na kunto-on, impapayag on to pagka-at din ita su si Jesu-Kristu no Maglilipwasay ta, nigpaka-otow on no nakada-og to kamatayon aw bogayi kid on to kinabuhì no konad ogkawadà aw ogka-iman ta no ogtuuson ki no impabayà tibò to Madoyow no Tutuwanon.

Titus 1:3

Pagkagotò to adow, impapayag din on sikan no kinabuhì no impabayà to kagi din no impanangon din. Aw sikan no kagi to insalig dini kanak to Diyus no Maglilipwasay ta su pigsugù a din impahognà pad impanangon kanak.

Hibriyu 9:26

Su ko konà podon no angod sikan, nigsinundù-sundù podon kandin likat to paggihit so-idi kalibutan. Dì kandin, kunto-on no nagotò no katapusan to katimpuhan, nigpaka-otow kandin awos mahimu din to katapusan no pagsundù no nigpakimatoy ita no nagawang din to saà ta.

1 Pedro 2:3

su pig-antihan now on to ka-at to Diyus no madoyow.