Taga-Ruma 9:18 - Kasulatan to Diyus

¹⁸ Kaling man ogka-atan to Diyus to otow no ogkaliyagan din no ogka-atan. Ogbigtoan din gayod to otow no ogkaliyagan din no ogbigtoan din.

Taga-Ruma 9:18 ပူးပေါင်းရင်းမြစ်များ

Juan 12:40

“Pigpisok to Diyus kandan aw bigtoi. Su ko wadà podon angod sikan, ogpasakup kandan podon kanak aw ogkabuligan podon kandan.”

Taga-Ruma 11:25

Mgo kasing-tumutu-u ku, ogpanaysayan ku iyu sikan tu-ud to Diyus no tahan on inghobong awos konà kow pumalabow-labow aw sawaya now to mgo Isrili. Ogkanangon ku iyu to moydu-on Isrili no nabigtoan to mgo tu-ud to Diyus dì to pagsupak dan, konà dà ogpalagodon hantod to wadà katapusan. Su to mgo otow no konà no Isrili dì tahan pig-abin to Diyus no ogpatu-uhon din, ko pumasakup tibò, kayan sikan mgo Isrili, ogpaman-ulì dà du-on to Diyus aw tu-u awos maluwasan kandan to mado-ot aw matuman to kasulatan to Diyus bahin to mgo Isrili no pig-iling to “Iyu diyà to Siyun, oglikatan kow to otow no oglipwas iyu. Oggawangon din to kado-otan du-on to mgo kasinugpu-an ni Jacob no iyan si Israel.

Taga-Ipisu 1:6

Masayà tanow to Diyus su pighungyaman ki din likat to kabo-ot din no na-uyunan kid to Anak din no nalogonan din.