Taga-Ruma 7:23 - Kasulatan to Diyus

^23-25 Dì moydu-on pad dini to ginhawahan ku no nakataun kanak. Kablang kadoog to madoyow dini to kanak domdom. To kadodoog no mado-ot, kanunoy dini kanak hantod to sikan on to naka-udipon kanak. Kaling man ko kanak dà, ogdomdoman ku to igpa-unung kanak to Diyus. Dì ko oghimuhon ku sikan podon, iyan on na-an ogkahimu ku to mado-ot. Amonuhon kud man sikan no og-awanan kud man podon. Amonuhon kud man to pagpalipwas ku to kanak no pagkamado-ot su madaas kud podon ogkamu-awodan to kamatayon no wadà katapusan. Dì nigpasalamat a to Diyus su moydu-on iyan oglipwas kanak no si Jesu-Kristu no Magbobo-ot tanow.

Taga-Ruma 7:23 ပူးပေါင်းရင်းမြစ်များ

Taga-Ruma 6:13

To mgo kasuukan gayod to lawa now, konà now igpasakup to mado-ot. Dì igpasakup now nasì to Diyus to lawa now awos mahimu now to matuwadong. Ogpa-angod kow to otow no piglipwasan to Diyus to kamatayon no wadà katapusan aw bogayi to kinabuhì no konad ogkawadà.

Taga-Ruma 6:19

Impananglitan ku sikan to udipon su ogpaka-igù lagboy sikan to domdom now. Natodu-on nigpa-udipon kow to kado-otan tibò aw kanunoy kadugangi to kado-ot. Dì kunto-on ogpasakup kow to katuwadongan tibò awos mahimu kow no ogkatibuus to ginhawa no wadà saà.

Taga-Ruma 7:14

To kasugu-an to Diyus, nama-anan ta to wadà du-on no mado-ot su tibò, niglikat to Diyus. Dì to mado-ot, nakasakup kanak nasì su makasasaà a man. Nataunan a to mado-ot angod to imbusuu a diyà to mado-ot.

Taga-Ruma 7:21

To kado-otan, angod to nataunan a to kadodoog no mado-ot su ko mahimu ku podon to madoyow, mado-ot nasì to nakada-og kadoog.

Taga-Ruma 7:5

Natodu-on no pagkama-an ta dow nokoy to kasugu-an to Diyus dì wadà ki pad pasakup, nigdugang to pagkamado-ot to katahani ta nasì no ibog. Iyan ingkamado-ot ta su agad nama-anan ta dow nokoy to kasugu-an to Diyus dì malapas-lapason ki nasì. To tawoy to paghimu ta, kamatayon no wadà katapusan.

Taga-Ruma 8:2

su likat to kabogbogan to Ispiritu Santu, nalipwasan kinow to saà aw kamatayon no wadà katapusan su pigbogayan ki din to kinabuhì no pinabayà to pagtu-u ta ki Jesu-Kristu no Magbobo-ot ta.

Taga-Galasiya 5:17

Su ita no otow, to katahani ta no bo-ot aw pagbo-ot to Ispiritu Santu, konà oghidaag su ogbinabagay nasì. Ko malingì ta to tahan ta no bo-ot, puli ta ogsogsogon. Kaling man konà ki ogduma to ita dà no bo-ot ko ogtumanon ta podon to pagbo-ot to Ispiritu Santu.

Hibriyu 12:4

Si Jesus, namatoy, dì iyu no pagpalatut now to saà, wadà kow pad kamatoy.

Santiago 3:2

Na itanow tibò no otow, agad intawa ita, madaas dow maugoy ogpakasaà ki. To otow no konà ogpakasaà to og-ikagi su kadoog igù, kandin, na-amuhan din to pagdaa to dilà aw lawa din.

Santiago 4:1

Na to pagkasamuk now aw pagbubuwow now, nokoy to piglikatan ko knoà no kabuutan to ibog now.

1 Pedro 2:11

Ita, mgo kasu-unan ku, lumalaboy ki puli dini to kalibutan. Ogpakapadinog a iyu to mgo tambag no ogdilinan now to ka-ibogan no mado-ot su ogpakakablang sikan to bayà ta no kinabuhì.