Taga-Ruma 6:16 - Kasulatan to Diyus

¹⁶ Ko pananglitan, ko moydu-on ogpasakupon now, ogkahimu kow no udipon sikan, aw sikan, ogkahimu no tag-udipon iyu. Ko pananglitan, ko saà dà to ogtumanon now, saà iyan to tag-udipon iyu. Ko saà dà to ogtumanon now, nahimu now sikan no tag-udipon iyu no ogkamangunan now aw kadaa kow diyà to kamatayon. Dì ko to pagtuman now to Diyus to ogpa-aag-aagon now, sikan, angod to amu now aw kadaa kow diyà to pagpasaylu to Diyus to saà now aw kakita-i kow din no matuwadong.

Taga-Ruma 6:16 ပူးပေါင်းရင်းမြစ်များ

Mateo 20:4

Pig-ikagihan din to ‘Ogpatalabahuhon ku iyu diyà to kanak kaparasan. Ogbayadan ku iyu agad-agad to katahanan ta.’ Dayun namantalabahu kandan diyà to kaparasan.

Mateo 6:24

“Na to otow, konà no ogkahimu no daduwa to pigtagonan din su kan sobu-uk, ogkablangon din aw kan sobu-uk, iyan on ogpa-aag-aagon din. Matinumanon gayod kandin diyà to sobu-uk, matuu kan sobu-uk, og-oyowan su nigsabaag on to pagdomdom. Konà ta ogpagtokapon to pagtagon ta, Diyus aw kadatù.

Juan 8:34

Nigtabak si Jesus to “So-idi iyan, to otow no mado-ot to hinang, sakup ni Satanas no piglikatan to mado-ot no mgo hinang tibò aw kahimu din kandin no udipon.

Taga-Ruma 11:2

Wadà oyowi to Diyus kan na-abin din on bullug. Wadà now buwa kalingawi to du-on to kasulatan no indiklamu ni Elias natodu-on diyà to Diyus bahin to mgo kasing-Isrili din no agad moydu-on tùtu-u no napa-atubangan din. Dì moydu-on dà gayod no nahogot to pagtu-u dan to Diyus.

Taga-Ruma 12:1

Mahan-ing to panalangin no imbogoy ita to Diyus aw to ka-at din ita, mahan-ing gayod. Kaling man ogkanangon ku iyu mgo kasu-unan ku to igkabogoy ta du-on to Diyus to kinabuhì ta. To lawa ta, oghimuhon tad podon no konad no ita to tagtu-un. Wadad on podon mado-ot no igba-ot to paghimu ta. Oghimuhon ta nasì to ogkaliyagan to Diyus. Madoyow ko ma-angod sikan to pagduma ta to Diyus aw ko makalikat podon gayod dini to ginhawahan ta iyan lagboy.

Taga-Ruma 6:17

Natodu-on, udipon kow to saà. Dì konad kunto-on. Kaling man ogpasalamat a to Diyus su likat to pagkatibuus to ginhawa now, ogtumanon now to tùtu-u no impang-anad iyu no niglikat to Diyus.

1 Taga-Kurintu 3:16

Dow wadà now buwa katagahi to ita no kasinakupan to Diyus no tibu-uk to abutanan din iyan aw Ispiritu Santu no iyan nig-ugpà kanunoy dini to sood tanow tibò.

1 Taga-Kurintu 5:6

Iyu, konà kow man podon ogkaliyag su intobo-ot now dow wadà pigboong to pagtu-u now aw wadà now pagawanga to mado-ot no otow. Dow wadà now kama-ani to agad ma-intok dà to nakaba-ot, dì mado-ot to ogkabauyan tibò?

1 Taga-Kurintu 6:2

Nama-anan tanow to itanow no mgo sinakupan to Diyus, ogpagtibò kid kandin to pagsakup so-idi kalibutan to mahudi no adow. Na, ko masakupan now so-idi kalibutan, nokoy man no konà kow ogpakahusoy to kina-intokan dà no husayon.

1 Taga-Kurintu 6:3

Dow wadà now kama-ani to ita no sinakupan to Diyus, ogkabo-otan ta iyan to agad mgo diwata. Labi pad ogpakabo-ot ki podon bahin to pag-ugpà ta puli dini to babow to kalibutan su to mahudi no adow, kalibutan to ogkabo-otan ta.

1 Taga-Kurintu 6:9

Dow wadà now buwa kama-ani to otow no mado-ot to paghimu, wadà labot to pigsakupan to Diyus? Indanan now to kagi ku su to pigsakupan to Diyus, wadà labot to otow ko panlibug, dow palibug, dow bantut, dow linukos, dow konà no Diyus to ampu-onon dan,

1 Taga-Kurintu 9:13

Dì konà now ogkalingawan to mgo Hudiyu no otow no nigdaa to kinada-an no pagsimba aw paghinang to Diyus, sikan gayod to piglikatan to ingkabuhì dan.

1 Taga-Kurintu 9:24

Na to ogtibuuson ta to ginhawa ta, ogpa-omot ki no iyan og-angodan ta to inagapay no ogpakada-og no ogpaka-una no nama-anan ta no kadodoog no ogkabaosan to madoyow. Na ita, ogpa-awosan ta angod sikan no pag-ugpà ta no sakup to Diyus.

2 Pedro 2:19

Sikan nigpang-anad to gaù, agad insahad dan to ogbogoy to kalipwasanan, dì amonu man to pagbogoy su kandan, na-udipon man to mado-ot su nama-anan ta to udipon ki to agad nokoy no nakasakup ita.