Taga-Ruma 4:9 - Kasulatan to Diyus

^9-10 Na og-usipon ku iyu bahin to pagpasaylu to Diyus to saà to otow, intawa to napa-atubangan ni David to kagi din, mgo Hudiyu dà dow tibò to mgo otow. Tibò iyan no mgo otow to napa-atubangan su nakita-an si Abraham to Diyus no matuwadong to wadà pad pa-indan to lawa din no igmatu-ud to mgo Hudiyu to kandan, sakup to Diyus. Nama-anan ta to napasaylu si Abraham to Diyus to saà din aw kakita-i kandin no matuwadong su nigtu-u si Abraham to pig-ikagi to Diyus.

Taga-Ruma 4:9 ပူးပေါင်းရင်းမြစ်များ

Lucas 2:32

Sikan mgo otow no wadà pad makakita ikow, ogkakita-an dan no andidiyow no ogpandalipaak, su ogtang-awan din to daan no igkatutuu dan diyà ikow, aw kandin to ogkahimu no igkabantug to sinakupan nu no mgo Isrili.”

Taga-Ruma 4:3

Su tùtu-u to nanangon du-on to kasulatan bahin ki Abraham. Innangon to si Abraham, nigtu-u to innangon kandin to Diyus. Kaling man pigpasaylu to Diyus to saà ni Abraham aw nakita-an kandin to Diyus no matuwadong.

Taga-Galasiya 3:14

Si Jesus no Imananan to Ka-otawan, nigpakimatoy itanow tibò awos nigsingkabugtì no mgo otow mangkalabot to panalangin no insahad du-on ki Abraham su awos madawat tibò to Ispiritu Santu ko tumu-u ki.

Taga-Ipisu 3:8

Agad kanak, kina-intokan a to tibò no sinakupan din, dì pigbotangan a nasì sikan no katondanan to pagpasabut to mgo otow no konà no sinakupan din natodu-on sikan panalangin no imbogoy ni Jesu-Kristu no wadà nakasokod.

Taga-Kulusas 3:11

No na-usab to ginhawahan ta tibò, sobu-ukon ta su wadà igkabugtì agad Hudiyu aw konà, agad nangkama-an no otow aw konà, agad udipon aw konà, su agad-agad to bayà ta no pagdomdom, si Jesu-Kristu to kamatu-udan tibò aw kandin du-on to sood ta tibò no mgo sakup din.