Taga-Ruma 2:3 - Kasulatan to Diyus

³ Wadà now buwa kama-ani ko kastiguhon kan no mgo otow no indiklamu now, iyu gayod, ogkalabot kow dà ogpaka-unung kow dà gayod su papadihu dà to paghimu now.

Taga-Ruma 2:3 ပူးပေါင်းရင်းမြစ်များ

Mateo 23:33

Iyu iyan ogka-angodan now to uwod no makamuwa, amonuhon now man to pagdilin to kastiguhanan to saà.

Mateo 26:53

Dow wadà nu buwa kama-ani to ogkabuligan a podon su ogkapa-andini to Diyus no Amoy ku to diwata din no minaan ko puli ku dà ogpangamuyu-on.

Lucas 12:14

Dì naka-ikagi si Jesus to “Konà a, su wadà a ikabotang no maghuhusoy.”

Lucas 22:58

Wadà dà kaugoy moydu-on songo otow no nakakita kandin aw iling to “Duma ka din iyan gayod.” Dì naka-ikagi si Pedro to “Konà Lagi.”

Lucas 22:60

Naka-ikagi si Pedro to “Lagi, wadà a makadaag to litukan to kagi nu.” No malituk to kagi ni Pedro, nigtaga-uk wo manuk.

Taga-Ruma 1:32

Agad nama-anan dan to sikan mgo otow no oghimu angod sikan, tahan on pigbo-otan to Diyus no himatayanan kandan, dì oghimuhon dan nasì aw konà ogpaningoo-tingoo aw ighognà dan pad igpahimu diyà to duma angod to pighimu dan no kadodo-oti.

Taga-Ruma 2:1

Kaling man nama-anan tanow to ogkastiguhon to Diyus to mgo otow no oghimu to mado-ot no innangon kud iyu, aw kastigu to Diyus no iyan wadà kabalibadanan to otow agad-agad kanunoy to pighimu to otow. Kaling man wadà podon otow no ogbo-ot to kasing-otow din no ogkakastigu to Diyus su to impa-abin din podon no saà to duma, du-on dà gayod kapa-abin kandin to saà su igbalitù dà su tibò dà man sala-an. Kaling man iyu no agad intawa, ko pa-abinon now to duma to saà, du-on dà gayod ogkapa-abin kow to saà.

Taga-Ruma 9:20

Dì so-di nasì to igkatabak ku sikan. To otow puli, konà ogpakapang-usip kandin to Diyus. To kudon puli, konà ogpakapang-usip du-on to niggihit kandin to “Nokoy man no pighimu a nu no angod so-idi.”

1 Taga-Tisalunika 5:3

Ko umiling to ka-otawan to “Malinaw on dini ita, wadà samuk tanow,” ogkatokawan du-on nasì kandan aw kangkalompag tibò aw bullug on iyan kandan kagawang du-on to atubangan to Diyus. Sikan kalisodan, angod dà to hayod ko bullug ogpunù to kodoo, su konad ogkasapadan. Wadà gayod sobu-uk no ogpakaligsit.

Hibriyu 12:25

Kaling man dowdoyow kow ko ogsupak kow to Diyus no nig-ikagi ita. Kandan natodu-on no nigsupak to kagi to Diyus dini to pasak, wadà makalikoy to pagkastigu to Diyus. Labi pad to pagkastigu ita kunto-on ko sumupak ki to kagi to Diyus no niglikat diyà to langit.

Hibriyu 2:3

Kunto-on si Jesus no Magbobo-ot ta, innangon din to ka-at to Diyus ita no kalipwasanan aw matu-uda to mgo nakadinog du-on kandin no nakapag-atubang. Na ita no nakadinog to inlikwad dan, amonuhon ta man to paglikoy to kastigu to Diyus ko puli ta palabayon.