Taga-Ruma 11:8 - Kasulatan to Diyus

⁸ Su moydu-on du-on to kasulatan to Diyus no pigpa-atubang din kan mgo masupak-supakon no mgo otow no ogkabasa ta no pig-iling to “Pigbogayan kandan to Diyus to panlingow awos konà makakilaa kandan to niglikat to Diyus. Pigbogayan din kandan to mata no konà ogpakakita to katùtu-uhanan. Pigbogayan din kandan to talinga no konà ogpakadinog aw hantod kunto-on wadà pighalinan.”

Taga-Ruma 11:8 ပူးပေါင်းရင်းမြစ်များ

Lucas 8:10

Nig-ikagi kandin to “Ogpapanaysayan kow to Diyus kanak bahin to pagsakup din. Dì duma no mgo otow no wadà labot to pagsakup to Diyus no nabigtoan on, igpananglitan ku awos kandan, agad mang-ahà-ahà, dì wadà ogkakita-an dan. Agad duminog kandan, dì konà ogpakadaag.

Mgo Hininang 28:26

“‘Og-andiya-an nu to mgo otow no kunon kun sinakupan ku aw nangoni kandan no og-ilingon nu to, Iyu no mgo otow, kanunoy kow ogpaminog, dì konà kow man ogpamakadaag. Su nabigtoan kandan su agad mang-ahà-ahà kandan, dì wadà ogkakita-an dan. Agad makadinog kandan, dì ampan ogkadaagan dan. Su iyu no mgo otow, to ginhawahan now, masupak-supakon on. To talinga now, ogpabongoo-bongoo kow puli. To mata now, pigpiyong now, su puli tawtaga-odan to pag-ahà now. Dì to domdom now, wadà du-on. Ko wadà kow podon angod sikan, ogpasakup kow podon kanak, aw ogkabuligan ku podon iyu.’”