Taga-Ruma 10:3 - Kasulatan to Diyus

³ Likat to kandan pagsagà to pagkatuwadong podon wadà dan kakilahi to impabayà podon to Diyus to pagkatuwadong aw wadà pasakup kandan to kadodoog to Diyus.

Taga-Ruma 10:3 ပူးပေါင်းရင်းမြစ်များ

Lucas 10:29

Dì sikan mag-a-anad, wadà kaliyag ko mahimu to ka-otawan to ing-usip din no wadà maka-igù. Kaling man naka-ikagi kandin to “Tùtu-u to pig-ikagi nu, dì intawa buwa lagboy to kapadihu ku.”

Lucas 16:15

Dì nig-ikagi si Jesus diyà kandan to “Iyu no mapakunon-kunonon no mgo otow, ogpatahud kow dà podon to ka-otawan. Dì diyà to atubangan to Diyus, konà kow ogka-uyunan su nama-anan din man dow nokoy diyà to sood to ginhawahan now su to ogpa-aag-aagon to otow, ogsawayon iyan to Diyus.

Taga-Ruma 1:17

Su du-on dà gayod ogkakita to impabayà to Diyus no oghimuhon din no mgo otow no matuwadong no ogpasayluhon to saà dan ko tumu-u kandan ki Jesus. Angod dà to nasulat on no pig-iling to “To paghimu to Diyus to otow no matuwadong, pagtu-u din dà to ogpakapabayà. To pagtu-un to otow to kinabuhì no konad ogkawadà, pagtu-u din dà gayod to ogpakapabayà.”

Taga-Ruma 10:2

Nama-anan kud to tahan dan pigtagonan lagboy to mgo udyu-on to Diyus dì wadà dan pad kadaagi lagboy to tu-ud to Diyus bahin to kandan pagpasakup kandin.

Taga-Ruma 10:20

Piglangub gayod ni Isaias no iniling din to “Nig-ikagi to Diyus to ‘Mgo otow no wadà pad makapangintaga bahin kanak natodu-on, nakadaag dà man kunto-on. Aw nigpakilaa ad to mgo otow no wadà pangintaga kanak natodu-on.’”

Taga-Ruma 11:7

Kaling man to pagkita to Diyus to mgo Isrili no matuwadong, wadà makakita to kandan pigpanganap podon su wadà tu-u kandan to ing-ikagi to Diyus. Dì kan pig-abin to Diyus, namakadawat iyan. Dì to duma, nabigtoan nasì to pagdawat to katuwadongan.

Taga-Ruma 3:22

Sikan to intapid to Diyus awos mapasaylu din to saà to agad intawa awos makita-an din kan otow no matuwadong no pinabayà to pagtu-u din ki Jesu-Kristu. Agad intawa no ogtu-u kandin, ogpasayluhon to Diyus to kandin saà su wadà ogpili-on to Diyus.

Taga-Ruma 3:26

Iyan ingkamatoy ni Jesus su awos ita no mgo tipahudi, pakita-on ki to matuwadong no paghimu to Diyus su moydu-on ingkabayad to mgo saà to otow su wadà puli pabay-ani to Diyus. Hognà pad pigpasaylu din to otow to saà din no impabayà to pagtu-u din ki Jesu-Kristu. Iyan ingkahimu din sikan su awos makita-an din to otow no matuwadong.

Taga-Ruma 5:19

No pinabayà to pagkasupladu to songo otow dà, to tibò no mgo otow, nahimu no makasasaà. No pinabayà gayod to pagtuman to songo otow dà to pagbo-ot to Diyus, tibò no mgo otow no nigsalig ki Jesus, nakita-an kandan to Diyus no matuwadong.

2 Taga-Kurintu 5:21

Wadà saà ni Jesus, agad sobu-uk. Dì impatagudaa kandin to Diyus to saà to mgo otow tibò. To likatan to pagpatagudaa kandin to saà to otow su awos kinow malipwasan aw su natibo-an ki din, ogkalabotan ta gayod to katuwadongan to Diyus.

Taga-Pilipus 3:9

aw ma-uyunan a din no wadà saligi to kanak dà no katuwadongan agad-agad to kasugu-an to mgo Hudiyu. Dì pigsaligan ku dà si Jesu-Kristu no nakatuwadong kanak no ogka-uyunan din no impabayà to pagtu-u ku to Diyus.

2 Pedro 1:1

So-idi no sulat likat kanak no si Simon Pedro no sugu-onon aw tumutubus ni Jesu-Kristu. Sulat ku diyà iyu no mgo tumutu-u ki Jesu-Kristu no Diyus ta aw Maglilipwasay ta. Pigbogayan kow din to pagtu-u no angod dà to kanami no pagtu-u su wadà pigpilì din su matuwadong si Jesu-Kristu no Diyus ta no Maglilipwasay ta.