Taga-Pilipus 1:28 - Kasulatan to Diyus

²⁸ no wadà hadok now to kablang now. Ko wadà hadok now to kablang now, sikan to ta-indanan to kandan, do-otonon, dì sikan gayod to ta-indanan to iyu, pig-indanan to Diyus no ogkalipwasan.

Taga-Pilipus 1:28 ပူးပေါင်းရင်းမြစ်များ

Mateo 10:28

Konà kow ogminahadok to ogpakawadà to lawa ta. Dì iyan dà lagboy nasì kahadokanan ta tibò to Diyus su ko mabitas ki din, ogkawadà din iyan to lawa ta aw umagad ta gayod no wadà pagpatunga su kandin dà to ogka-amu to ogpakawadà to lawa ta aw umagad ta gayod su ogpa-andiya-on kow din to kastiguhanan to saà no impiyirnu.

Marcos 3:3

Si Jesus, nig-ikagi diyà to pawing, “Duguk ka.”

Lucas 3:6

Tibò to mgo otow, ogpakakita to pagbulig to Diyus.’ ” Sikan to nasulat ni Isaias babin to katondanan ni Juan no Magbobonyagay.

Juan 16:8

Ko dumatong on to Bumubulig no Ispiritu Santu, ogpasabuton din to mgo otow dini to kalibutan to mado-ot to paglapas to kasugu-an to Diyus su ingkasugù din to mgo otow to ogpatu-uhon din kandan du-on to tùtu-u no Anak. Dì kandan, wadà man tu-u. To Bumubulig, ogpasabuton din gayod to mgo otow to ogkabogayan kandan to katuwadongan su ogmatu-udon din to naluwasan kandan to saà su ogmatu-udon to na-uyunan to Diyus to kanak katondanan su ogtuuson a diyà to atubangan to Diyus agad boongon a now. Dì ogtubus a iyu diyà to atubangan din. Ogpasabuton to Bumubulig to mgo otow to maogot ogbobo-otan to Diyus to mgo otow su si Satanas no nakasakup to mgo otow dini so-idi kalibutan, pigbo-otan on to Diyus aw bullug on iyan ogkabo-otan to mgo kasakupan din tibò.”

Mgo Hininang 28:28

Na pig-aboy ni Pablo to pagpangudlin din no nig-iling to “Na, ogtagahon ku iyu no mgo Hudiyu, nig-oyow kow on to pagbulig to Diyus no ogbulig podon iyu. Ogkabuligan on nasì to Diyus to mgo otow no konà no mgo Hudiyu su ogpapang-anadon a din. Ogpaminogon dan dà.”

Taga-Ruma 8:17

Mano batà kinow on to Diyus, ogkadawat ta to panalangin no pighina-at on to Diyus no igbogoy du-on to mgo sakup din. Ko malisodan ki likat to pagpasakup ta ki Jesu-Kristu, angod to nigpagtampu kid kandin to kandin kalisodan. Ogpaka-agad kid gayod ogpakapagtampu kandin to pagtuusa din aw kalabot ki to imbogoy kandin to Amoy din.

1 Taga-Tisalunika 2:2

Nama-anan now dà to agad pig-uwang-uwangan koy on diyà to Pilipus no banwa aw pa-inahi koy, dì pigbuligan koy nasì to Diyus. Kaling man nangimbubuut koy to og-andiyà iyu awos koy ognangon iyu to Madoyow no Tutuwanon no niglikat to Diyus agad nalisodan koy on lagboy.

Hibriyu 13:6

Kaling man og-ilingon ta no wadà igka-abloy no og-ilingon to “Magbobo-ot ku iyan to bumubulig ku. Kaling man konà a ogminahadok dow nokoy to oghimuhon to otow dini kanak.”

Sikan Impa-ahà ki Juan 2:10

Konà kow ogminahadok to kalisod no madaas on ogdo-og iyu no tuwa-ayonon now. Indanan now su moydu-on iyu no igpapirisu ni Satanas no magbabalatak no ogpanogkad to pagtu-u now kanak. Ogkalisodan kow to sood to sampuù no adow. Dì hogoton now nasì to pagtu-u now kanak agad mamatoy kow aw igbaos ku iyu to kinabuhì no konad ogkawadà.