Taga-Kulusas 2:5 - Kasulatan to Diyus

⁵ su agad wadà a du-on iyu, dì to domdom ku, du-on dà. Nigtukhow a su sobu-ukon to domdom now aw nahogot to pagtu-u now ki Jesu-Kristu.

Taga-Kulusas 2:5 ပူးပေါင်းရင်းမြစ်များ

Mgo Hininang 2:42

Kanunoy kandan ogtatampu aw pama-anad kandan to mgo tumutubus ni Jesus, aw ampù kandan to Diyus, aw ogsasau-sau kandan no indodomdomay dan to pagpakimatoy ni Jesus kandan.

Mgo Hininang 20:21

Papadihu dà to impangudlin ku to mgo Hudiyu aw duma no mgo otow no konà no Hudiyu. Nigtugun a tibò to ogsosoo to mado-ot no hinang dan aw oyowi aw pasakupa to Diyus, aw padawata gayod ki Jesus no Magbobo-ot ta no Imananan to Ka-otawan.

1 Taga-Kurintu 11:34

Ko lumotoy kow, tugdow kow pad ko-on du-on to tu-un now no baoy su dagow mabotangan kow to saà ko puli kow on makapang-agow. Na ton duma no ing-usip bahin sikan no mgo kadodoog, ig-anad ku pad iyu ko dumatong a du-on.

1 Taga-Kurintu 14:40

Dì tibò, igpabayà now to hustu aw matapid.

1 Taga-Kurintu 15:58

Kaling man mgo kasu-unan ku lagboy, konà kow ogkaduwa-duwa to pagtu-u now dì tibuuson now to ginhawa now. Konà ta dà ogbungku-an dì kanunoy ki ogpatuga to igpahimu to Diyus su nama-anan now to konà ki ogkawada-an to madoyow no igbaos ita to pagtuman ta to igpahimu ita to Diyus no Magbobo-ot ta.

1 Taga-Kurintu 16:13

Na dowdoyow kow. Konà kow ogkaduwa-duwa to pagtu-u now. Ogtibuuson now to ginhawa now. Oghogoton now to pagtu-u now.

Taga-Kulusas 2:1

Na iyu gayod no taga-Kulusas aw mgo taga-Lawdisiya, agad wadà kinow pad kikita, oghina-atan ku iyu ognangonan ku iyu to kadakoo to kanak pagpa-awos to iyu no panalangin aw duma gayod no wadà ku pad kakita.

1 Taga-Tisalunika 2:17

Na ita no nigsusu-un-su-un, konà-konà ki pad ogkikita. Dì kadoog noy iyu konà ogkalingawan su nasampot koy iyu. Kaling man pigpa-awos noy podon to ogpagkita iyu.

1 Taga-Tisalunika 3:8

Nigdoyow on iyan to ginhawa noy su nadinog noy on to nahogot lagboy to pagtu-u now to Diyus no Magbobo-ot ta.

Hibriyu 3:14

Su nalabotan tad si Jesu-Kristu ko mahogot ta iyan aw konà makasaà to pagtu-u ta hantod to katapusan.

Hibriyu 6:19

To na-iman ta no insahad ita to Diyus, du-on iyan makalikat to pagkatibuus to ginhawa ta no angod to punduu su konà ki ogkadaa-daa. Ogka-iman ta to insahad ita to Diyus su si Jesus no Imananan ta, naka-una ita diyà to langit no nigtubus ita diyà to atubangan to Diyus. Iyan ogka-angodan din sikan kinalabawan no tumutubus to ka-otawan no Isrili natodu-on no ogduguk diyà to atubangan to Diyus du-on to pigsalibonan no kinasoodan du-on to abutanan to Diyus su kunto-on, nahimu si Jesus no kinalabawan no tumutubus no wadà katapusan angod dà ki Milkisidik.

1 Pedro 5:9

Atuhi now kandin. Ogpahogoton now lagboy to pagtu-u now su nama-anan now to mgo kasing-tumutu-u now dini to babow to pasak, konà kandan ogpakalikoy su sikan iyan to ogkatuwa-ay dan gayod.