Mgo Hininang 7:25 - Kasulatan to Diyus

²⁵ Intobo-ot ni Moises dow dawaton dà kandin to kadumahan din no mgo Isrili aw pasakup su ogpabuligan kandan to Diyus. Dì wadad on man dawata.

Mgo Hininang 7:25 ပူးပေါင်းရင်းမြစ်များ

Marcos 9:32

Dì wadà makadaag to mgo pangabaga ni Jesus to kalitukan to pig-ikagi din. Nahadok kandan to og-usip dow nokoy to kalitukan to kagi din.

Lucas 18:34

Dì wadà nadaagan dan no pig-ikagi ni Jesus. Nadaoman kandan to litukan aw wadà dan kadaagi.

Lucas 9:45

Dì wadà man makasabut kandan to innangon ni Jesus su mahobong man to kalitukan no awos konà dan masabutan. Wadà gayod langub to mgo pangabaga to og-usip ki Jesus bahin to kalitukan to innangon din kandan no wadà dan kasabuti.

Mgo Hininang 14:27

Na pagdatong dan, pighimun dan to kahimunan to sinakupan ni Jesus. Innawnangonon to mgo tumutubus to pagbulig to Diyus kandan to agad nokoy no nadoog-doogan dan du-on to paghipanow dan, aw inawnangonon to ogkadawat to Diyus to duma no mgo otow no nigsingkabugtì ko ogpasakup kandan ki Jesus.

Mgo Hininang 15:4

Na pagdatong on ni Pablo aw ni Bernabe diyà to Hirusalim, pigdawat kandan to madoyow to kasinakupan ni Jesus aw mgo punu-an. Pagkadawat dan, nignawnangonon on si Pablo aw si Bernabe to nadoog-doogan dan aw kabuligi kandan to Diyus.

Mgo Hininang 15:7

Pagkaugoy to pag-a-asuy dan, nangukdayogan si Pedro aw ikagi to “Na mgo kasu-unan ku, nama-anan now iyan to naugoy ad on pigpilì to Diyus to ogpapanaysayon a to mgo otow no konà no Hudiyu bahin to Madoyow no Tutuwanon bahin ki Jesus su awos masakup dà kandan to Diyus.

Mgo Hininang 21:19

Pagbogoy ni Pablo to katahudan din, nignangon kandin to tibò to impahinang kandin to Diyus diyà to mgo otow no nigsingkabugtì no konà no Hudiyu.

Mgo Hininang 7:24

Na nakita-an din to songo duma din no pig-uwang-uwangan to taga-Ihiptu aw pigbuligan din no pinabayà to paghimatoy din to taga-Ihiptu.

Mgo Hininang 7:26

Pagkasunù no adow nakita-an ni Moises to daduwa no ka-otow no kadumahan din dà no nigbubuwow. Pighusoy din podon no nig-iling kandin to ‘Mgo su-un ku, paminog kow. Konà kow man ogkinalituhay su nigsusu-un kow dà man aw ando-i kow man to ogsindoog.’

Taga-Ruma 15:18

Dì iyan dà oglangubon ku to pagnangon du-on iyu to impahimu kanak ni Jesu-Kristu awos sakupon ni Jesus to mgo otow no nigsingkabugtì no pinabayà to pagpasabut ku kandan. Na to mgo ingka-allad kandan to ogpasakup to Diyus no impabayà kanak, mgo pag-ilagi ku, mgo paghimu ku,

1 Taga-Kurintu 15:10

Dì pighimu a nasì to Diyus no tumutubus likat to kabo-ot din. Aw kan imbogoy kanak, wadà ku balibada. Dì kanak, nigsubla ad nasì du-on kandan tibò to pagkapagud. Dì konà no kanak to piglikatan to kabogbogan to pagtuman to katondanan ku. Dì kabo-ot to Diyus nasì to piglikatan aw ka-at din, nakaduma kanak.

1 Taga-Kurintu 3:9

Su ko pananglitan, kanami si Apulus, puli koy pigpalusung to Diyus aw iyu to og-umahan din. Iyu, nahimu kow gayod no ugpa-anan to Diyus.

2 Taga-Kurintu 6:1

Kaling man no pigpatubus koy to Diyus to pagtuman to igpahimu din, og-udlin koy iyu gayod to konà now puli og-uwakan to ka-at to Diyus no nadawat now

Taga-Kulusas 1:29

Pagdaa ku tibò no lagboy og-anadon, sikan to ogpa-awosan ku no ogkabogayan a to Diyus to kandin kabogbogan.