Mgo Hininang 5:32 - Kasulatan to Diyus

³² Sikan tibò bahin to katondanan ni Jesus, pigmatu-ud noy tibò aw Ispiritu Santu no imbogoy to Diyus diyà to mgo otow tibò no ogtuman to sugù din.”

Mgo Hininang 5:32 ပူးပေါင်းရင်းမြစ်များ

Juan 7:39

Na, to pag-ikagi ni Jesus iyan napa-atubangan to Ispiritu Santu no igbogoy diyà to mgo tumutu-u kandin, su kan no timpu wadà pad abut to Ispiritu Santu su wadà pad kabayow si Jesus diyà to langit no ogsood to kandin katondanan du-on.

Mgo Hininang 1:8

Dì kunto-on, bugtì to katondanan now su ko mamatu-ud on to Ispiritu Santu to nasoodan kow din on lagboy, iyan on ogkadawat now to kabogbogan aw agad ando-i ogkamatu-ud now to kanak, pigbuhoy ad on, aw iyu no ogmatu-ud, ogpalapuwaason ku iyu tibò no oglikat kow diyà to Hirusalim aw kotob to mgo timamanwa tibò no nasakup to mgo prubinsiya no Hudiya aw Samariya aw hantod to binogdokan to langit.”

Mgo Hininang 10:44

Na no ta-un pag-ikagi ni Pedro, kan mgo otow no namanpaminog, pigsoodan kandan to Ispiritu Santu.

Mgo Hininang 13:31

Pagbuhoy ki Jesus, sood to pila no adow piglinogwà din kan mgo taga-Galiliya no nigduma kandin diyà to Hirusalim. Kandan kunto-on to nigmatu-ud diyà to mgo ka-otawan to pigbuhoy on kandin.

Mgo Hininang 15:28

Kanami aw Ispiritu Santu, konà noy dà iyu ogbogatan to tibò no tulumanon noy no mgo Hudiyu. Igatang igkapatuman noy iyu so-idi no kasugu-an likat ki Moises.

Mgo Hininang 2:32

“Na, todu-on no otow no si Jesus no pigbuhoy on to Diyus no Amoy aw tuusa aw kandin no nigdumduma kandin, ogpakamatu-ud sikan. Pigbayow on si Jesus diyà to langit aw pa-ingkuda kandin diyà dapit to kalintu-u to Diyus. Dinawat ni Jesus to Ispiritu Santu no imbogoy to Diyus no Amoy no natuman to impanahad din natodu-on. Na si Jesus, pigpama-abutan din to Ispiritu Santu diyà to sinakupan din no nasakpanan ta pad lagboy ganina.

Mgo Hininang 2:4

Tinakin nasoodan kandan to Ispiritu Santu aw tigka-un naman-ikagi kandan to impalituk kandan no likat to Ispiritu Santu no mgo inikagihan no nigsingkabugtì no wadà dan aligbat anadi.

Mgo Hininang 5:29

Dì si Pedro aw duma no tumutubus, namakatabak to “Ogtumanon noy to sugù to Diyus, konà no otow.

Taga-Ruma 8:16

Ispiritu Santu to nigmatu-ud to domdom ta no nahimu kid on no batà to Diyus.

2 Taga-Kurintu 13:1

Na ko dumatong a du-on iyu, ikatou kud on sikan no paglo-uy du-on iyu. Ko moydu-on ogbotang to saà, konà ogkabotangan to saà ko konà no tatou dow daduwa to ogmatu-ud no ka-otow.

1 Pedro 1:12

Impapayag du-on kan mgo lagsoban to Diyus to konà ogkatuman to intag-an dan to kandan katu-igan. Dì ita nasì no tipahudi dan to ogkatumanan aw natùtu-u on iyan su natutuwanan kow on to mgo maglilikwaday to Diyus to Madoyow no Tutuwanon no impabayà to kabogbogan to Ispiritu Santu no langit to pigpalikatan kandin. Sikan tutuwanon, agad mgo diwata, pigpangindaagan dan podon, dì wadà kadaagi.