Mgo Hininang 4:13 - Kasulatan to Diyus

¹³ Na, pig-indanan to mgo punu-an to wadà kahadok si Pedro aw si Juan to pagtabak dan agad ampan gradu aw puli iyan otow kandan. Naboong-boong to mgo punu-an aw kakilahi dan to diyà ki Jesus maka-anad kan daduwa su nakadumduma man kandan.

Mgo Hininang 4:13 ပူးပေါင်းရင်းမြစ်များ

Mateo 11:25

Na du-on kan no uras nig-ampù si Jesus to Diyus no nig-iling kandin to “Amoy no Magbobo-ot to langit aw pasak, ogpasalamat a ikow su pig-ukasan nud on to nama-anan nu to mangka-intok no otow. Dì pighobongan nud on to mgo mangka-aslag no mgo otow bahin to Madoyow no Tutuwanon bahin to pagsakup to Diyus.

Mateo 26:71

Pagli-ot ni Pedro diyà to balkun nakita-an kandin mandà to duma no daga no sugu-onon. Nig-iling kandin diyà to mgo maglalaboy to “Sikan no otow, duma ni Jesus no taga-Nasarit.”

Mateo 26:73

Pagkaugoy-lugoy pigduguk si Pedro to maglalaboy aw iling to “Agaw to inikagihan nu inikagihan man to mgo taga-Galiliya su ikow, duma ka din gayod.”

Lucas 22:8

Kaling man pigsugù ni Jesus si Pedro aw si Juan to “Na oghina-aton now on to pagko-onan ta no igdodomdomay ta to Pagpalipas to Kado-otan.”

Juan 19:26

Na kanak no si Juan no sakup no nalogonan ni Jesus no tinagaman din lagboy, du-on a man gayod. Pagkakita ni Jesus to inoy din aw kanak, intugun din to inoy din to “Inoy, so-idid on to anak nu no si Juan.”

Juan 7:15

Na naboong-boongan to mgo punu-an to tinu-uhan to mgo Hudiyu to impang-anad din aw ka-inusipay to “Nokoy sikan no impang-anad aw ando-i ka-anadi din sikan su wadà gradu kan no otow.”

Juan 7:49

Dì sikan dà no mgo ka-otawan no wadà kataga lagboy to kasugu-an ni Moises, do-otonon kandan to Diyus.”

Mgo Hininang 4:14

Na-ompongan to mgo punu-an su kapayagid on sikan no kaboonganan su sikan pungku, na-uli-an on no nigsakindog on du-on kandan.

Mgo Hininang 4:19

Dì iyan dà pig-ikagi kan daduwa to “Nokoy to iyu no domdom. Dow igpatuman kanami to Diyus to kasugu-an din dow kasugu-an now no otow puli.

Mgo Hininang 4:29

Na Magbobo-ot, indani nu man kunto-on to paghinadok dan kanami. Bogayi koy nu no sakup nu to kabogbogan su awos konà koy mahadok to ogpanlituk-lituk to ikow no kagi.

Mgo Hininang 4:31

Pagkatapus to pag-ampù dan to Diyus, nigday-og to bao y. Natogob lagboy kandan to kabogbogan to Ispiritu Santu aw ampan gayod mgo hadok to paglikwad to kagi to Diyus.

Mgo Hininang 9:27

Dì si Bernabe no sakup ni Jesus, pigbuligan din si Saulo. Pigdaa din diyà to mgo tumutubus ni Jesus. Pignangonan din kan mgo tumutubus to “Piglogwà si Saulo ni Jesus diyà to pangindanan padoog diyà to Damasku aw sugu-ad kandin ni Jesus. Diyà to simbahan to taga-Damasku, wadà hadok-hadok ni Saulo to ogpanoysoy bahin to ngadan ni Jesus.”

Mgo Hininang 9:28

Kaling man nigpag-agpot si Saulo du-on to sinakupan ni Jesus aw libod-libod to mgo simbahan diyà to Hirusalim

1 Taga-Kurintu 1:27

Dì mgo otow nasì no nahimu no tagaw, pigpilì to Diyus no ogpada-ogon to mgo nangkama-an no mgo otow awos mangkasikow kandan. Pigpilì din gayod to mgo otow no nahimu no mangka-intok no ogpada-ogon din to mangka-aslag no mgo otow awos mangkasikow kandan.

1 Taga-Kurintu 14:25

su to impalikwad iyu no kagi to Diyus, ingkatag-an dow nokoy to nakasood du-on to ginhawahan din aw makaluhud kandin du-on to atubangan to Diyus aw makatahud to Diyus aw makamatu-ud to du-on iyan iyu to Diyus.

2 Taga-Kurintu 3:12

Mano nama-anan noy to sikan, konà iyan no ogkawadà sikan no kabogbogan, wadà koy abuta to kahadok to pagpasabut noy.