Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mgo Hininang 3:16 - Kasulatan to Diyus

16 Aw to kabogbogan to ngadan ni Jesus no pigsaligan noy, sikan iyan to nakadoyow so-idi no otow no nakita-an now aw kilaha now. To pagsalig to kandin ngadan, sikan to naka-ulì to pungkù agad-agad to nakita-an now.”

အခန်းကိုကြည့်ပါ။ ကော်ပီ




Mgo Hininang 3:16
21 ပူးပေါင်းရင်းမြစ်များ  

Nig-ikagi si Jesus, “Na, andini ka.” Dayun nighaw-as si Pedro aw makahipanow du-on to babow to dagat no nigpadoog diyà ki Jesus.


“Na so-idi iyan, to otow no ogtu-u kanak, ogpakahimu kandin to angod dà to pigpanghimu ku. Agad oglabow pad no hinang, ogkahimu din gayod su og-andiya-an ku to Amoy ku.


Ko og-indanan now to batà agad adow on no konà no tigtatalabahu awos matuman to kasugu-an ni Moises, nokoy man no nabou-an a now man su nakadoyow a to otow no masakiton agad adow on no konà no tigtatalabahu.


nigpaminog to impang-anad ni Pablo. Nama-anan ni Pablo to nigtu-u kan pungkù to ogka-uli-an kandin. Pig-ahà ni Pablo kan pungkù


Pig-inulit-ulit din to pag-ikagi to pila no adow hantod to naboù on si Pablo. Nakalingì kandin aw maka-ikagi to “Ikow no busow, ogsugu-on ku ikow to kabogbogan to ngadan ni Jesus, gawang kad on du-on kan no buyag.” Sukuu malituk to kagi ni Pablo, dayun nakagawang to busow.


Dì nig-ikagi si Pedro to “Wadà sapì ku. Dì moydu-on igbogoy ku ikow no subla pad. Ogsugu-an ku ikow to kabogbogan to ngadan ni Jesu-Kristu no taga-Nasarit to hipanow kad on.”


Niglangkotow kandin no ogpakasakindog dà aw makahipanow aw pagluyud on kandin kandan aw ki Pedro no namansood to simbahan no nakahipanow on to pungkù no niglinangkotow on no nigsayà-sayà to Diyus


ogkamatu-ud ku diyà iyu aw duma no kasinugpu-an ni Israel dow ando-i to piglikatan sikan no kabogbogan. To naka-ulì kandin, kabogbogan to ngadan ni Jesu-Kristu no taga-Nasarit no otow todu-on pigpadodopa now diyà to kinurus dì pigbuhoy dà to Diyus.


Pangbuungi nu to mgo mangkasakiton aw pahinanga koy to kaboonganan no iyan oggamiton noy to ngadan ni Jesus no Anak nu no matuwadong.”


Pagkahimun dan, pigpa-atubang dan si Pedro aw si Juan. Nigsigi nig-usip to punu-an to “Intawa lagboy no ngadan to piggamit now to pagka-uli-i to pungkù. Ando-i makalikat to kabogbogan now.”


Sikan to intapid to Diyus awos mapasaylu din to saà to agad intawa awos makita-an din kan otow no matuwadong no pinabayà to pagtu-u din ki Jesu-Kristu. Agad intawa no ogtu-u kandin, ogpasayluhon to Diyus to kandin saà su wadà ogpili-on to Diyus.


Agad mabogayan ad to kabogbogan to ogpakatag-an to tibò no madaom no nahobong aw kadaagi, aw ko madaagan ku tibò no nama-anan, agad mabogayan ad to dakoo no pagtu-u kotob to magawang ku to untud, dì ko wadà paglogon to duma ku no otow, konà a ogkapuusan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ