Mgo Hininang 3:10 - Kasulatan to Diyus

¹⁰ Pagkakilaa to ka-otawan to sikan na-an to nigpalimus no og-iningkud diyà to Dayan-dayan no Soodanan to labow no simbahan, naboong-boong lagboy kandan sikan tigka-un napugut.

Mgo Hininang 3:10 ပူးပေါင်းရင်းမြစ်များ

Mateo 14:35

Paghaw-as dan aw ni Jesus, nakilahan dà kandan to mgo taga-Ginisarit. Dayun pigpamatawagan dan to mgo nangkasakit diyà to kalongodan aw pandaaha dan du-on ki Jesus.

Lucas 4:36

To ka-otawan, pig-abut on to kaboong-boong aw ka-inusipay kandan to “Nokoy kan no impang-anad, su mabogbog su agad puli dà ogsugu-on din to busow, dì ogpakagawang on.”

Lucas 9:43

To kahan-ingan, nangkaboong-boongan dan tibò to kabogbogan to Diyus. Dì no naboong-boongan pad to ka-otawan to nahimu ni Jesus, nig-ikagi kandin diyà to mgo pangabaga din to

Juan 5:20

su tukhawanan to Diyus to Anak din aw igpa-ahà din to Anak to pighimu din tibò. Na mabogbog pad to igpakita din kandin no igpahimu din su awos maboong-boongan now.

Juan 9:3

Nakatabak si Jesus to “Konà man no saà din aw konà gayod to saà to ginikanan to nalikatan to pagkapisok din. Dì iyan ingkapisok din su awos du-on to makita-an to mgo otow to kabogbogan to Diyus no ogpakadoyow to pisok.

Juan 9:8

Na to sumbaoy din aw duma no nama-an kandin no nigpalimus to sapì, namaka-ikagi to “Dow sikan iyan buwa to kanunoy nig-ingkud natodu-on no nigpalimus to sapì.”

Mgo Hininang 2:12

Lagboy naboong-boongan dan to tigka-un no angod sikan aw ka-inusipay kandan to “Nokoy on man buwa to ogkadoogan sikan.”

Mgo Hininang 2:7

Lagboy naboong-boong kandan aw maka-ikagi to “Og-amonuhon dan man buwa to paglituk to nigsingkabugtì no inikagihan tanow no namanmutmut to kadiyu-an no mangkuwan podon kandan taga-Galiliya man.

Mgo Hininang 3:2

Pagdatong dan diyà to soodanan no pighingadanan to Dayan-dayan no Soodanan, iyan nakita-an dan to otow no pungkù no likat to pagkabatà din. Adow-adow, oglinahungon kan pungkù aw ibotang du-on to dani to soodanan awos ogtagad to mgo magsisimbahay aw palimus du-on.