Mgo Hininang 3:1 - Kasulatan to Diyus

¹ Na songo adow namang-andiyà si Pedro aw si Juan to simbahan no labow to mgo alas tris no a-ampu-ay to Diyus.

Mgo Hininang 3:1 ပူးပေါင်းရင်းမြစ်များ

Mateo 17:1

Na pag-abuti to onom no adow niggomow si Jesus to untud no matikang. Pigputlung din pigpaduma si Pedro aw sikan nigpatahadi no si Santiago aw si Juan.

Mateo 26:37

Iyan dà pigpaduma din si Pedro aw kan daduwa no anak ni Sibidiyu. Na si Jesus, napook-pook lagboy aw naduyong-ot to ginhawa din.

Mateo 27:45

Na pag-ugtu to soga nigdiglom to banwa hantod to mgo alas tris on to uras.

Lucas 1:10

Dì to kahan-ingan no ka-otawan, nigtagad-tagad puli diyà to labas no namang-ampù kandan gayod to Diyus.

Lucas 18:10

Kagi din to “Moydu-on daduwa no ka-otow no nig-andiyà to simbahan su og-ampù to Diyus. Sobu-uk, Parisiyu no matagon-tagonon to kandan katahanan agad kama-intokanan. Kan sobu-uk, magsusukut to buhis no wadà tu-u to katahanan dan.

Lucas 22:8

Kaling man pigsugù ni Jesus si Pedro aw si Juan to “Na oghina-aton now on to pagko-onan ta no igdodomdomay ta to Pagpalipas to Kado-otan.”

Lucas 24:53

Kanunoy dan pigsinayà-sayà to Diyus diyà to labow no simbahan.

Juan 21:7

Na kanak no si Juan no nigsulat so-idi no sulat, no sakup a gayod no tinagaman lagboy ni Jesus, naka-iling a gayod to “Magbobo-ot tanow iyan sikan.” No malituk ku sikan, si Pedro, nigpangabò su niglobas man tahan su nangisdà man. Na dayun nigkawas kandin du-on to dagat aw languy padoog diyà ki Jesus.

Mgo Hininang 10:3

Songo adow no mgo alas tris to uras, linogwà si Cornelio to diwata likat to Diyus. Tinakin nigduguk to diwata aw ikagi to “Cornelio.”

Mgo Hininang 10:30

Nigtabak si Cornelio to “Tatou on no adow to mgo alas tris to soga nig-ampù a to Diyus hantod to piglogwà ad to otow no nangabò no ogsilawon a to pag-ahà ku.

Mgo Hininang 2:46

Kada adow oghihimun kandan diyà to simbahan no labow aw sasau-sau kandan diyà to mgo kabaoy-baayan. Namantukhow aw pasalamat kandan.

Mgo Hininang 3:3

To pagkakita din ki Pedro aw ki Juan no ogsood on, pig-ikagihan din kandan no ogpalimus.

Mgo Hininang 3:4

Nignongnong kandan aw ikagi si Pedro to “Lagi, ahà ka dini kanami.”

Mgo Hininang 4:13

Na, pig-indanan to mgo punu-an to wadà kahadok si Pedro aw si Juan to pagtabak dan agad ampan gradu aw puli iyan otow kandan. Naboong-boong to mgo punu-an aw kakilahi dan to diyà ki Jesus maka-anad kan daduwa su nakadumduma man kandan.

Mgo Hininang 5:25

Na songo otow nigsood no nignawnangonon to “Sir, ahà kow, sikan mgo otow no impapirisu now, du-on on kunto-on nigpang-anad on kandan to mgo ka-otawan du-on to simbahan.”

Mgo Hininang 8:14

Na, diyà ta pad to bugtì no tutuwanon no diyà to Hirusalim. Nakadinog to mgo tumutubus ni Jesus to sikan mgo taga-Samariya, nigpasakup on kandan to kagi to Diyus. Pagkadinog dan, pigpatubus dan pigpa-andiyà si Pedro aw si Juan

Taga-Galasiya 2:9

Na, kandan si Santiago aw si Pedro aw si Juan no nakilaa no punu-an to sinakupan to Diyus diyà to Hirusalim, pagkama-an dan to katondanan no pigbotangan kanak to Diyus, na-uyunan koy dan aw matu-uda dan to kanami si Bernabe, pigpatubus koy to Diyus no ogpalikwadon koy to Madoyow no Tutuwanon bahin ki Jesus diyà to mgo otow no nigsingkabugtì. Dì kandan, tahan pigpatubus to Diyus diyà to mgo Hudiyu aw tibò koy a-alamanu su nigkaduduma koy.