Mgo Hininang 18:18 - Kasulatan to Diyus

¹⁸ Na pag-ugpà ni Pablo du-on to Kurintu to pila no adow, nighipanow on kandin. Pigpaduma din si Akila aw si Priscila aw hapit kandan du-on to Sinkriya no lunsud. Paghapit dan du-on, nigpatabuug si Pablo no ta-indanan to pagsahad din to Diyus. Dayun niglayag kandan likat to Sinkriya padoog on diyà to Siriya no banwa.

Mgo Hininang 18:18 ပူးပေါင်းရင်းမြစ်များ

Mateo 4:24

Tibò pigtangkapan to kabantug din diyà to Siriya no banwa. Kaling man pigpandaa dan diyà ki Jesus to mgo nangkasakit no pig-abuy aw kan ogbatì to ogkawaas to lawa aw kan mgo otow no pigpansoodan to busow. Tibò din nangka-uli-an.

Marcos 6:46

Pagkatapus din to pagba-id, niggomow si Jesus to untud su og-ampù kandin to Diyus.

Mgo Hininang 1:15

Na no nangkahimun to mgo sakup ni Jesus no songo gatus aw kawa-an tibò kandan, nangukdayogan si Pedro su igpapilì din to otow no ogkabogayan to katondanan ni Judas.

Mgo Hininang 15:23

So-idi to kalitukan to sulat dan: “Kamusta kow man no mgo kasu-unan noy no nigsingkabugtì to piglikatan no banwa no Antiyukiya, aw Siriya, aw Silisiya. Kanami no mgo tumutubus ni Jesus aw mgo panguu aw duma no mgo sinakupan,

Mgo Hininang 15:41

Dayun nighipanow on kandan si Pablo padoog diyà to prubinsiya to Siriya aw Silisiya su ogpangudlin on mandà to mgo kasinakupan ni Jesus to ogpahogoton to pagtu-u dan to Diyus.

Mgo Hininang 18:2

Pagka-ugpà ni Pablo du-on impagkita din to mag-asawa no Hudiyu no mgo otow. To ngadan kan bana si Akila no taga-Puntu. To ngadan to asawa, si Priscila. Bayà-bayà pad datong kandan du-on to Kurintu. Niglikat kandan to Ruma no lunsud no nasakup to Italiya su impabugow ni Harì Claudio to tibò no mgo Hudiyu no mgo otow du-on to Ruma. Na si Pablo no pagbisita din kandan pag-usab

Mgo Hininang 18:26

Nakasood si Apulus to pagpanoysoy din diyà to simbahan to mgo Hudiyu no ampan hadok. Pagkadinog ni Akila aw ni Priscila to impang-anad din, pigpaduma dan si Apulus diyà to baoy dan su agad matul-id on to impang-anad ni Apulus bahin to kadodoog to Diyus, dì wadà-wadà din pad katibo-i kama-ani. Pigtongopan dan pigsaysayan si Apulus to ki Jesus kadodoog to pag-ampù to Diyus no sikan, wadà din pad katibo-i kama-ani.

Mgo Hininang 18:27

Na, nigdomdom si Apulus to og-andiyà to Akaya. Dakoo to pagbulig to mgo sakup ni Jesus ki Apulus aw sulati dan to mgo duma dan diyà to Akaya to ogdawaton kandin ko dumatong. Pagdatong din diyà to Akaya, nakabulig kandin to nigpanoysoy du-on to mgo nigpasakup on ki Jesus no natapikan to ka-at to Diyus.

Mgo Hininang 21:23

Na moydu-on pikii noy no igpatuman noy ikow. Moydu-on upat no ka-otow kani no nigsahad to Diyus.

Mgo Hininang 21:24

Na Pablo, duma kad kandan aw pagtibò ka kandan to pagtuman to tulumanon to paghugas, aw bayadi nu to gastuhon dan, awos makapatabuug kandan no ta-indanan to natuman on to ingkasahad dan. Ko matuman nu to tugun noy ikow, sikan tumutu-u no Hudiyu no napook-pook, ogkama-anan dan to konà no tùtu-u to nadinog dan to pighinang nu kun. Dì matinumanon ka nasì to ki Moises to kasugu-an.

Mgo Hininang 21:3

Nigpadayong koy hantod to nakita-an noy to Sipri no puù aw labayi noy no sikan puù diyà dapit to kawaa noy. Nigpadayong koy diyà to prubinsiya to Siriya. Nigdu-ung koy diyà to Tiru no lunsud su oghaw-ason to daa.

Taga-Ruma 16:1

Na si Pibi no ogdaa so-idi sulat no kasing-tumutu-u ta dà no bumubulig to katondanan din to sinakupan ni Jesus dini to Sinkriya, ogpakilahan kud man du-on iyu.

1 Taga-Kurintu 9:20

No pagpasabut ku to mgo Hudiyu no mgo otow, nigpasakup a to kandan batasan ko wadà nalapasan ku to tutuwanon bahin ki Jesus. Pagpasabut ku to agad intawa no mgo otow no nigtagon pad to tahan no kasugu-an ni Moises, agad wadà a sakupa, dì nigpasakup ad nasì to kandan batasan awos podon masakup kandan ni Jesu-Kristu ko wadà nalapasan ku to tutuwanon bahin ki Jesus.

Taga-Galasiya 1:21

Na, pagkakita ku kan daduwa dà no tumutubus ni Jesus diyà to Hirusalim, mgo kalunsudan to Siriya no banwa to pigpang-andiya-an kud aw mgo kalunsudan to Silisiya no pagpang-anad ku.