Mgo Hininang 16:10 - Kasulatan to Diyus

¹⁰ Kaling dì tinahom noy aw ni Pablo to ogpapasabuton koy to Diyus to mgo taga-Masiduniya to Madoyow no Tutuwanon bahin ki Jesus.

Mgo Hininang 16:10 ပူးပေါင်းရင်းမြစ်များ

Mgo Hininang 10:29

Kaling man pagpadokat nu kanak, wadà a kaduwa-duwa su pigpa-andini a man to Diyus. Na nokoy buwa to impadokat nu kanak.”

Mgo Hininang 16:9

Na songo kadukiloman no pagkagawangi ni Pablo to panimo-ot, piglogwà kandin to otow no taga-Masiduniya no kunon kun nigsakindog to dani din. Nigpangamuyù kandin ki Pablo to “Buligi koy no mgo taga-Masiduniya.”

Mgo Hininang 26:13

Na Sir, pag-ugtu to soga no diyà a pad to pangindanan, nakita-an kud to bandog likat to langit no ogpakasilow no nigbandog kanak aw mgo duma ku gayod no masilow pad du-on to soga.

Mgo Hininang 27:1

Na pigbo-otan to ukum to ogpa-andiya-on koy si Pablo to Italiya no banwa no oglayag koy to dagat. Dayun impadaa si Pablo aw duma no mgo pinirisu diyà ki Julio no kapitan to songo panon no sundau no pighingadanan to Kasundauhan to Harì. Nigduma kanami gayod si Aristarku no taga-Tisalunika no nasakup to prubinsiya to Masiduniya. Moydu-on sakayan likat to Adramitiyu no ililikaton on no oglayag no ogpanungkilid to mgo du-unganan no kalunsudan diyà to Asiya. Dayun nigluwan koy on aw layag padoog diyà to Asiya.

Mgo Hininang 9:10

Na diyà ta pad to bugtì no tutuwanon. Moydu-on songo sakup ni Jesus du-on to Damasku no iyan ngadan si Ananias. Pigpakita kandin to Diyus to ogkatuman. Kagi to Diyus no Magbobo-ot to “Ananias.” Naka-ikagi si Ananias to “So-idi ad Magbobo-ot ku.”