Mgo Hininang 15:30 - Kasulatan to Diyus

³⁰ Na nighipanow on kandan no upat no ka-otow padoog diyà to Antiyukiya. Pagdatong dan, nigpatawag kandan to kahimunan to sinakupan ni Jesus. Pagkahimun dan, imbogoy to sulat aw basaha dan.

Mgo Hininang 15:30 ပူးပေါင်းရင်းမြစ်များ

Mgo Hininang 11:19

Na, og-uli-on tad to tutuwanon to timpu to paghimatoy ki Esteban. Nahilatag-latag to mgo sakup ni Jesus su pigpahadatan kandan to mgo kablang dan. Moydu-on nig-andiyà to Pinisiya no banwa, aw Sipri, aw Antiyukiya aw panoysoy to kagi to Diyus. Dì mgo Hudiyu dà to nanangonan dan.

Mgo Hininang 11:20

Dì moydu-on gayod mgo sakup ni Jesus no taga-Sipri aw taga-Sirini no nig-andiyà to Antiyukiya aw nangoni to mgo otow no konà no Hudiyu to Madoyow no Tutuwanon bahin ki Jesus no Magbobo-ot ta.

Mgo Hininang 11:27

Na pagkaugoy-lugoy nigdatong on du-on to Antiyukiya kandan si Agabu no mgo taga-Hirusalim no maglilikwaday to Diyus no lagsoban. Si Agabu, nangukdayogan diyà to kahimunan aw panangoni to Ispiritu Santu to ogkabontasan to timamanwa dini to babow to kalibutan. Natuman iyan to timpu to pagkaharì ni Claudio.

Mgo Hininang 15:22

Na to mgo tumutubus ni Jesus aw duma no mgo punu-an aw tibò no sinakupan ni Jesus diyà to Hirusalim, na-uyunan dan no madoyow ko ogsulatan dan to sinakupan tibò diyà to Antiyukiya. Pigpilì dan to mgo otow no ogdaa to sulat no ogduma ki Pablo aw ki Bernabe. Si Judas no pighingadanan gayod ki Barsabas to pigpilì dan aw si Silas no mgo panguu kandan gayod to sinakupan.

Mgo Hininang 15:31

Pagkabasa dan, namantukhow tibò kandan to impangudlin kandan.

Mgo Hininang 16:4

Na niglogob-logob kandan to kalunsudan no niglikwad kandan to igpatuman no mgo insugù no na-uyunan on to tumutubus ni Jesus aw duma no panguu to sinakupan diyà to Hirusalim bahin to mgo tumutu-u no konà no Hudiyu.

Mgo Hininang 21:22

Na ogkadinog dan dà to nakadatong kad on. Amonuhon ta man su napook-pook kandan to bugtì on kun to impang-anad nu.

Mgo Hininang 23:33

Pagdatong dan diyà to Sisariya, imbogoy dan to sulat diyà to gubirnadur. Pigdaa dan gayod si Pablo diyà kandin aw pa-atubanga si Pablo to gubirnadur.

Mgo Hininang 6:2

Dayun sikan sampuù tag duwa no tumutubus ni Jesus, tibò dan pigpatawagan to sinakupan no tibu-uk agun ikanangon dan to mgo ogkapikiyan dan. Pagkahimun dan, nig-ikagi to mgo tumutubus to “Konà koy no litos ogpakadaa to pagpanghandug to kapookanan. Dì iyan litos noy nasì to ogpanoysoy koy to kagi to Diyus.