Mgo Hininang 14:6 - Kasulatan to Diyus

^6-7 Dì pagkama-an dan, namanlaguy kandan padoog diyà to prubinsiya to Likauniya. Pagdatong dan diyà, nigpasabut to ka-otawan to Madoyow no Tutuwanon diyà to lunsud to Listra aw Dirbi aw kan namakadani du-on.

Mgo Hininang 14:6 ပူးပေါင်းရင်းမြစ်များ

Mateo 10:23

Ko pahadatan kow diyà to songo lunsud, pamanlaguy kow on to bugtì no lunsud, aw konà now pad ogkalogob to kalunsudan tibò to mgo ka-Isrilihan ko ogdatong a dini no Tumutubus to Ka-otawan.”

Mgo Hininang 14:11

Na pagkakita to kahan-ingan to na-uli-an on kan pungkù, naman-ikagi to ma-agbot to kandan inikagihan, “Mgo katuusan sikan no nigpa-angod-angod puli to otow no nig-abut dini ita.”

Mgo Hininang 14:8

Na du-on to Listra no lunsud, nakita-an dan to otow no pungkù no likat to pagka-otow din no konad igkahipanow no nig-ingkud du-on no

Mgo Hininang 15:36

Na pagkapilahi no adow, nig-ikagi si Pablo diyà ki Bernabe to “Ogsudsud ki to imbayà ta no kalunsudan no pigpangudlinan ta to kagi to Diyus natodu-on su awos mama-anan ta dow mangkadoyow dà to mgo sakup du-on.”

Mgo Hininang 20:4

Moydu-on pitu no ka-otow no ogduma ki Pablo diyà to Siriya dì namanguna kandin aw tagadi koy dan diyà to Truwas no ogtatagbuhan noy. Sikan pitu no ka-otow, si Timoteo, aw si Supatir no anak ni Piro no taga-Biriya, aw mgo taga-Tisalunika no si Aristarku aw si Segundo, aw to taga-Dirbi no si Gayu, aw mgo taga-Asiya no si Tikiku aw si Trupimu.

Mgo Hininang 9:24

Dì moydu-on nigtaga ki Saulo to pikii dan to ogpakahimatayan dan podon kandin. Adow aw madukilom pigbantayan dan to lili-ot to matikang no aad no batu no inlibong to lunsud.

2 Timoteo 3:11

To pagkatuwa-ay ku to kalisod aw pag-uwang-uwangi ku, agad diyà to Antiyukiya, aw Ikuniyu, aw Listra no mgo lunsud, tibò a nu dà nasunud. Dì to Diyus, niglipwas tibò sikan dini kanak.