Mgo Hininang 1:25 - Kasulatan to Diyus

²⁵ no tumutubus ni Jesus no ogpakasukoli to katondanan ni Judas, su nig-oyow on man kandin aw nig-andiyad on to kandin no ogdoogan.”

Mgo Hininang 1:25 ပူးပေါင်းရင်းမြစ်များ

Mateo 25:41

“Dayun ognangonan ku no harì kan mgo otow du-on to kawaa ku, ‘Gawang kow du-on. Pakapadoog kow on diyà to banwa no kastiguhanan to saà no moy logdog no wadad kaposokanan, agad pighina-atan dà si Satanas aw mgo sakup din agad busow aw diwata din dì sikan gayod to ogkadoogan now.

Mateo 25:46

To mgo mangkado-ot, ogpamagawangon aw papadooga to banwa no kastiguhanan to saà no wadà katapusanan. Dì to mgo mangkatuwadong, ogpamakalangit.”

Mateo 26:24

Agad kanak to Tumutubus to Ka-otawan, dì tahan on nasulat bahin to kanak pagkamatoy aw natuman on. Dì aboy to otow no niglangub nigbaligyà kanak. Kanugun on kandin to mahudi no adow. To otow no nigbaligyà kanak no Tumutubus to Ka-otawan, madoyow pad nasì ko wadà podon ka-otow kandin.”

Juan 13:27

Pagdawat ni Judas to paan, pigsoodan kandin ni Satanas. Pig-ikagihan kandin ni Jesus to mahinoy to “Ton ogkaliyagan nu no oghimuhon, madaas nu oghimuhon.”

Juan 17:12

Pagka-ugpà ku dini kandan, pigbantayan kud kandan no impatagon kud to pagtu-u dan to ikow ngadan no imbogoy nu kanak awos wadà ogkado-ot kandan. Pigbantayan ku man aw wadà pigboong ku gawas kan no nahimu to Diyus no do-otonon tahan awos ogkatuman to kasulatan bahin kandin.

Taga-Ruma 1:5

Na to pagdawat ku to imbogoy to Diyus no intabang aw katondanan ku, si Jesus dà gayod to pinabaya-an. Imbogoy dini kanak sikan to Diyus awos to tibò no katimamanwahan, mapatu-u ku kandan ki Jesus aw kamanguni dan to Diyus awos masayà iyan lagboy to ngadan ni Jesu-Kristu.

1 Taga-Kurintu 9:2

To pagpasakup now ki Jesus, sikan to nakamatu-ud to kanak katondanan no tumutubus ni Jesus no Magbobo-ot ta. Aw agad to duma, ko konà a dan oghimuhon no tumutubus ni Jesus, dì iyu, pighimu a now no tumutubus ni Jesus su pagpasakup now kandin to nakamatu-ud to katondanan ku.

Taga-Galasiya 2:8

Su to paghimu to Diyus du-on to mgo Hudiyu, si Pedro to pinabaya-an to Diyus. To paghimu gayod to Diyus du-on to nigsingkabugtì no mgo otow, kanak to pinabaya-an to Diyus.