Mateo 9:3 - Kasulatan to Diyus

³ Dì moydu-on mgo mag-a-anad to tinu-uhan to mgo Hudiyu no nakadinog to kagi ni Jesus. Pig-iling dan diyà to domdom dan to “Nokoy man no otawa sikan su niglangub nig-ikagi to angod sikan. Napa-inahan din on to Diyus to na-ikagi din su nigpagsokod kandin podon to Diyus su kunon kun kandin to ogpakapasaylu to saà to otow. Dì matuu Diyus dà man iyan tahan to nataga to ogpakapasaylu to saà to otow.”

Mateo 9:3 ပူးပေါင်းရင်းမြစ်များ

Mateo 26:65

No malituk to kagi ni Jesus, pigpongkas to mata-as to punu-an to kabò din no ta-indanan to paglangoti din aw maka-ikagi to ma-agbot to “Napa-inahan din to Diyus kan no pig-ikagi din. Litos on to ingkadiklamu su nadinogan now on to kagi din no mado-ot. Nokoy man no ogtagad ki pad to duma no dugang no igkadiklamu.

Mateo 7:29

su konà ogpaka-angod to pagpabayà to pagpang-anad to mgo mag-a-anad to tinu-uhan, su si Jesus, moydu-on kabogbogan no intapik du-on kan kandin no pagpang-anad.

Marcos 14:64

Nadinog now on to mado-ot no na-ikagi din no ingkapa-ina din to Diyus. Nokoy to iyu no ogkaliyagan.” Tibò kandan, na-uyun to si Jesus, himatayanan.

Marcos 3:28

Nig-iling si Jesus to “Na to pagpasaylu to saà, ognangonan ku iyu to ogkapasaylu dà to Diyus to agad nokoy no saà. Agad ma-ina-ina to Diyus, dì ogkapasaylu dà.

Marcos 3:29

Dì to otow no oglangub og-ina-ina to Ispiritu Santu, konad on iyan ogkapasaylu kandin hantod to wadà katapusan.”

Marcos 7:21

su to ginhawahan to otow to piglikatan to mado-ot no nigsingkabugtì no angod to mado-ot no pikii, pangawat, pamunù, panghilabot to duma, pag-akom, kado-otan, pag-iyan-iyan, maw-oy, pagsombang, pag-ina-ina, masagsagà aw tingpongog.

Lucas 5:21

To mgo mag-a-anad to tinu-uhan aw mgo Parisiyu, nigka-inusipay kandan to “Nokoy man no kandin niglangub to ogpa-inahan din podon to Diyus, su sikan no otow nigpagsokod podon kandin to Diyus su kunon kun kandin to ogpakapasaylu to saà to mgo otow. Dì sobu-uk dà to ogpakapasaylu to saà no kandin, Diyus dà man.”