Mateo 9:27 - Kasulatan to Diyus

²⁷ Dayun nighipanow on kandan si Jesus no pigsunduwan to daduwa no ka-otow no aag pisok. Nigtinawag kandan no nig-iling to “Ikow no sugpù ni Harì David, ka-ati koy nu ubag podon.”

Mateo 9:27 ပူးပေါင်းရင်းမြစ်များ

Mateo 1:1

Na kani so-idi to ogkama-anan to mgo ngadan to ka-aw-apu-an no piglikatan ni Jesu-Kristu no sugpù ni David no sugpù gayod ni Abraham.

Mateo 11:5

no nangka-uli-an kud on to mgo pig-ibung aw mgo pungkù, mgo bongoo, pisok, aw pigpambuhoy ku to nangkamatoy, aw to mgo mangkasagkop no kabotang, napasabut on to Madoyow no Tutuwanon.

Mateo 15:22

Pagdatong dan pigduguk kandin to buyag no sugpù to mgo taga-Kanan no tugdow no mgo uminugpà du-on kan no banwa no wadà pad kasoodi to mgo Isrili. Pigtinawag to buyag to “Magbobo-ot no anak ni Harì David, ka-ati a su pigsoodan to batà ku to busow.”

Mateo 17:15

“Sir, ka-ati a nu dà ubag su kan batà ku, nasakit to abuy no nalagbayan on kandin to pagkalisodi. Ogpakasinugba to logdog aw ogpaka-inusbug gayod diyà to wohig.

Mateo 20:29

Na nigpadayong kandan si Jesus. No pagkalaboy dan on to Hidiku no lunsud namakaluyud mandà to kahan-ingan.

Mateo 21:15

Agad mgo batà, impababow dan si Jesus no namaka-ikagi to “Mabuhì, sugpù ni Harì David.” Na to mgo punu-an to tinu-uhan, pagkadinog dan to langkoà aw kakita-i dan to kaboonganan no pighimu ni Jesus, konad no mgo langot dan.

Mateo 21:9

Moydu-on mgo otow no naman-una kandin. Moydu-on gayod diyà to hudihan din. Tibò kandan namanlangkoà no namang-iling to “Mabuhì, mapanalanginan to sugpù ni Harì David. Labow ka no pigpatubus kanami to Magbobo-ot dini to kalibutan. Masayà ka gayod diyà to langit.”

Mateo 9:28

Dì wadà paminog si Jesus. Pagponhik ni Jesus to baoy no pigtu-ud din, nakasunù dà kan daduwa no ka-otow no mgo pisok. Inusip ni Jesus kandan to “Dow nigtu-u kow to ogpakadoyow a to iyu no sakit?” Nakatabak kan mgopisok to “Ho-o iyan Sir, ogtu-u koy lagboy!”

Marcos 11:10

Mabuhì to pagkaharì din no ogpaka-angod to pagkaharì ton apù ta no si Harì David. Kamusta to uminugpà to langit.”

Marcos 9:22

Kanunoy ogpakasinugba kandin diyà to logdog. Ko og-abuton ogpaka-inusbug gayod diyà to wohig awos din podon ogkamatoy to batà. Ko mahimù Sir, buligi a podon. Ka-ati a podon.”

Lucas 17:13

aw puli tawag kandan to ma-agbot to “Jesus, Magbobo-ot, ogka-atan koy nu.”

Lucas 20:41

Na, nig-ikagi si Jesus to “To otow no ogkahimu no Imananan to Ka-otawan, sugpù kun ni David, dì ogka-amonu man buwa

Lucas 7:21

Na kandà no timpu mahan-ing du-on no moydu-on mgo sakit aw mgo pigpansoodan to busow. Dì nangkagawangan tibò ni Jesus, aw mgo pisok, tibò nangka-uli-an din.

Juan 7:42

su agad-agad to kasulatan, sugpù ni David to Imananan aw Bitlihim to oglikatan din.”

Taga-Ruma 1:3

Aw to Madoyow no Tutuwanon dan, si Jesu-Kristu dà to natibuusan no Magbobo-ot tanow no Anak to Diyus. To pagkagi-otawan din, sugpù kandin ni Harì David.

Taga-Ruma 9:5

Kandan, kasinugpu-an ni Abraham aw ni Isaac aw ni Jacob no ka-aw-apu-an gayod sikan pighimu no Imananan to Ka-otawan no bali nigpaka-otow on kandin. Duma dà man gayod kandan ni Kristu. To Diyus no kinalabawan, masayà to wadà katapusan.