Mateo 9:23 - Kasulatan to Diyus

²³ Na og-uli-on tad mandà to tutuwanon to nigdaa to kahimunan to tinu-uhan. No pagdatong ni Jesus diyà to baoy no namatayan, lagboy to kaguub to patanugonon aw kuus pad to mgo ka-otawan aw otow pad no nigsasabog-sabog.

Mateo 9:23 ပူးပေါင်းရင်းမြစ်များ

Mateo 11:17

‘Nokoy man no wadà kow sayow su piglisagan noy man iyu.’ Iyan ogka-angodan dan gayod to mgo batà no ogpamansunud-sunud to ogpaman-oog to namatoy no og-iling to ‘Nokoy man no wadà kow sunud to pagdaugmatoy noy su pigdaugmatayan noy man iyu, dì wadà kow baos. Wadà iyan ingkangkaliyag now!’ Na iyu, iyan ogka-angodan now kan mgo batà to iyu no pagdawat aw pagsabut to pagpang-anad iyu,

Lucas 7:32

Iyan ogka-angodan dan to mgo batà no nangkahimun diyà to dadaga-anan no ogpamansunud-sunud to pagsauhan no oghinulindogay to ‘Nokoy man no wadà kow sayow no kanami, niglisag koy man iyu.’ Mgo kadongan ta gayod, iyan ogka-angodan dan to mgo batà no ogpamansunud-sunud to ogpaman-oog to namatoy no og-iling to ‘Nokoy man no wadà kow baos to pagdaugmatoy noy su kanami, pigdaugmatayan noy on man iyu.’ Kan mgo batà, wadà ingkangkaliyag dan. Na iyu gayod, iyan ogka-angodan now kan mgo batà to iyu no pagdawat aw pagsabut now to pagpang-anad iyu.

Mgo Hininang 20:10

Dì nakapono-ug si Pablo aw kadawat din si Iyutiku aw tinakin maka-ikagi si Pablo to “Konà kow ogkahadok. Wadà kamatoy.”

Mgo Hininang 9:39

Dayun nigduma si Pedro. Pagdatong dan, pigpaduma dan si Pedro diyà to songo konhà no pigkotangan to patoy. Dayun nahimunan kandin to mgo bau no buyag no namansinogow. Impakita dan ki Pedro to mgo kabò no tinabing ni Durkas kandan no buhì pad.

Sikan Impa-ahà ki Juan 18:22

Wadad on du-on ikow ogkadinog no kaguub agad mamaondagay dow duma no patanugonon no uyuponon, wadad. To mangudlungay aw manod-omay, wadad on ogkadinog. Agad dagokdok dow tagingting, wadad. Agad danobok, ampan ogkadinog tibò.